1Katanimaia taningam, Ngkoe ae te tia kawakinia Iteraera b'a kanga tiibu ngaiia;
Ko na ongo iroura, Ngkoe ae te tia kaiririia am nanai n tiibu.
Ngkoe ae Ko tekateka i aon am Kaintokanuea are i aoia kerubim,
2kaotiko nakon te baronga ae Eberaim ma te baronga ae Beniamin ma te baronga ae Manate;
Kaota korakoram nakoira;
nako mai ao kamaiura!
3Te Atua, Ko na kaoka kab'aiara nakoira!
Kaota am Nanoanga nakoira, ao ti na kamaiuaki iai.
4Te UEA ae Te Atua are Moan te M'aaka,
e na toki ningai unim n aia tataro am aomata?
5Ko anganira te nanokawaki b'a ti na kanna,
ao te boora ae kakanoa n te
rannimata b'a ti na moi iai.
6Ko kariaia baronga aika i rarikira b'a a na buaka i marenaia i bukin uneakinan tauan aon te aba;
A b'ainingareira ara kairiribai.
7Te Atua are Moan te M'aaka, Ko na kaoka kab'aiara nakoira;
Kaota nakoira am Nanoanga, ao ti na kamaiuaki iai!
8Ko uota te kai ae te kureebe ni kaotinakoia mai Aikubita;
Ko kakioia nako botannaomata tabeua ao ko unikia iai b'a ana abanna.
9I mwini kakioakinakoaia iroum,
ao ti kanenei wakaara iai;
Ao e buta aon te aba irouia.
10A taua aon te aba ni kabane b'a abaia,
mai maiaki nako i aang nakoni maungan Reb'anon.
11A karakaa nako tian te aba man Taari are te Mereterenian
ni karokoa te karaanga are te Iuberetiti.
12Ko aera ngkai Ko kab'aka ooia are katobibiaki?
Ae a roko iai aomata aika Ianena n iraei kaub'aina;
13A toubekai aoia n ai aroia beeki ngkana a toubekai b'aai,
Ao a urubekei n ai aroia maan
aika aki manana ngkana a uru-b'ai.
14Te Atua are Moan te M'aaka, Ko na rairaki n okirira!
Ko na taraira mai karawa;
nako mai ao buokiia am Botannaomata!
15Nako mai ao buokiia am aomata aika Ko a tia ni kamaekaia
ikai ma ni karikirakeia b'a te botannaomata ae korakora!
16A tia aiaia ni buakaniia ao a kamaunaia;
Ko na taraia ma te mata n un ao kamaunaia!
17Kawakina te botannaomata are Ko a tia n rineia ma ni karikirakea b'a e
na korakora, ao kamanoa.
18Ao ti na aki tan nako iai mairoum;
Kamaiura, ao ti na neboiko.
19Te Atua are Moan te M'aaka, Ko na kaoka kab'aiara nakoira.
Kaota am Nanoanga nakoira, ao ti na kamaiuaki iai.
Who We AreWhat We EelieveWhat We Do
2025 by iamachristian.org,Inc All rights reserved.
