1Ma a b'ainingareai m'aane aika a uarereke riki nako Iu!
A teimatoa ngkoa tamaia n akea bonganaia n te aro
are I aki kona ni kariaia b'a a na raoniia au kamea ni kaawakiniia tiibu.
2Bon te koraki n aomata ngaiia aika akea manenaia,
a rangi ni mamaara ni karaoa te m'akuri teuana i buku.
3A bon rangi ni baki n te aro
are a otinako n te tairiki nakon taian rereua
ma n tenaruai taiani wakaa ni kai aika m'auteretere.
4A taeki arokan te rereua ao a kang,
ao a kana naba wakaan te tuniba.
5A kakakioaki nako mai buakoia aomata;
a takaruaaki ni kanakoaki kaanga aroia taani kimoa.
6A mamaeka i nanon taiani b'angani matang,
aika b'angab'anga aika kenaki i rarikin b'a aika rietaata.
7A kakarongoa n taabo aika buakoako kaanga ai aroia maan,
ao a ibetutu i aan te buakoako ae uarereke.
8Te koraki n aomata aika akea araia, ao akea mwiia!
A kakioaki nako man te aba.
9Ao ngkai a roko ni b'ainingareai,
ao I riki b'a aia b'ai ni manikangare.
10A taraai b'a te aomata ae rangi n riribaaki,
ao a iangoia b'a a rangi n raoiroi riki nako Iu.
Ni karokoa a bon roko ma ni bawarea matau.
11A rairakiai ni bononnanoai i bukina
ngke E boni karaoai te Atua b'a N na mamaara ma n akea boonganau.
12A katea aia kaeng ni buakanai.
A kabirinakoai, ao a katauraoia nakon buakanakiu ma tiringakiu.
13A totokoi angan birinakou, ao a kataia ni kamateai;
ao bon akea temanna ae katokiia.
14A urua te nono are I mena iai,
ao a biri n taobekaai ngke e a tib'a b'aka atiibun te nono.
15E taonai te maaku,
ao e birinako kakannatou n ai aron te ang,
ao e mauna iangoan te tokanikai n ai aron te nang.
16Ao N nang mate ngkai;
bon akea katokan marakiu.
17A bane ni maraki riiu n te tairiki,
e aki kona n toki kainanou n te maraki.
18 E taua au kabaraaki are i kamou te Atua,
ao e burimangaoa au kunnikai ni kam'anunuua
19E kab'akaai rikaaki i nanon te bokaboka,
ao I riki b'a te b'ai ae akea manenana kaanga te bubu ni baareka.
20I tang nako Im te Atua, ma Ko aki kaekaekaai,
ao ngkana I tataro, ao Ko aki kani kubarai.
21Ko karaoa te m'akuri ni iowawa,
Ko kabanea korakoram ni b'ainikiriinai.
22Ko karokoa te ang b'a e na ukai nako,
Ko tiribooai n te ang buaka ae korakora.
23I ataia b'a Ko uotai nakon te mate,
nakon te tabo are tokiia aomata ni kabane.
24E aera ngkai Ko a buakana te aomata ae a boni kani mate,
ae akea te b'ai ae kona ni karaoia b'a ti te bubuti?
25E koaua b'a I aki tanginiwenei ma aomata n aia kangaanga,
ao I aki nanoangaia naba aika kainano?
26I kakantaninga te kukurei ma te oota ngkoa,
ma a roko i Rou te kangaanga ma te rotongitong n onea mwiina.
27E a bwenaua rab'atau te raraoma ma te maraki,
a aki kona ni bane bongin te maraki nako Iu.
28I tang i buakon te roo, ao bon akea te oota ae na kakukureiai.
I tei n tatakaaruaea buokau n taabo aika a m'aiti aomata iai.
29I riki ngai ni b'anaau
b'a raoia kameanti ma taian tangiuoua ae tangi ni kananoanga.
30E a beeroro kuniu, ao e a taonai te aoraki ae te biua.
31I ongongo ngkoa taian anene aika kakukurei,
ma ngkai I a ti ongo kuuna aika kananokawaki.
Who We AreWhat We EelieveWhat We Do
2025 by iamachristian.org,Inc All rights reserved.
