1Te Atua, a roko baronga tabeua n ninia Abam.
A kam'araea am Tembora are Tabu
ao a urubekebekea aon Ierutarem.
2A katikuia am Aomata ake a mate b'a
kanaia mannikiba ma maan ni kaakang.
3A bane ni mate aomata i aon Ierutarem,
Ao akea ae tiku ni maiu ae na tauniia maate.
4A taetae ni kabuakakaira botannaomata aika maeka i rarikira;
A ngareakinira ao a kakanikoira.
5Te UEA, e na reiti nako unim iroura?
E na reiti nako uran unim n ai aron uran te ai?
6Ko na karokoa unim i aoia botannaomata ake aki taromauriko,
Ao i aoia aomata ake a aki tatataro nako Im.
7B'a a tia ni kamateia am aomata;
A tia n urua abam.
8Ko na tai kareke kaira i bukin aia bure ara bakatibu.
Ko na nanoangaira ngkai;
a mamaara nanora.
9Te Atua ae ara tia kamaiu, buokira;
Kamaiura ao kab'arai ara bure
b'a e aonga ni karineaki aram.
10E aera b'a a na kaangai nakoira botannaomata,
“Engaa Atuam?”
Ti na noriko ni kareke kaiia botannaomata
i bukini katuuan raraaia am Toro.
11Ko na ongo rawawatan nanoia akana kabureaki,
Ao kainaomataia ni m'aakam akana motikaki taekaia b'a a na kamateaki.
12Te Uea, kaitiua te tai nakoia botannaomata
booni mwin aia taetae n iowawa ni kabane nakoim.
13Ao ngaira, aika am Aomata, aika am Nanai n tiibu,
ti na neboiko n taai nako,
Ao ti na tataekina kamoamoaam nakon te rorona ma te rorona.
Who We AreWhat We EelieveWhat We Do
2025 by iamachristian.org,Inc All rights reserved.
