Taian Areru 14 - Kiribati New Version Bible

(Te areru mairoun Tawita i bukin te tia kaira te katangitang.)Akea ae Kona ni Kakeaa te UEA

1Bon ti te aomata ae e nanobaba ae e kona ni kaangai,

“Akea te Atua.”

Akea bonganaia aomata aikai;

Akea irouia ae karaoa ae e raoiroi,

ao akea te raoiroi i nanoia.

2E tarataraia aomata te UEA

mai karawa b'a E kan noria

b'a tao iai ae wanawana

ae e na ukoukoria ke akea.

3A bane n tangakoi b'aai;

ao akea ae e karaoa ae e raoiroi.

4Buakaka ma kammaira!

E koaua b'a kam boni rangi ni bangab'ai?

Kam raarawa n tataro,

ao kam kang ana Aomata te UEA.

5Ane kam na kimamaaku,

b'a E meemena te Atua

irouia aika a kakaraoa ae e raoiroi.

6Ane kam na kamangaoi aia iango kananoanga

ma a tararuaaki iroun te UEA.

7E bia reke kamaiuan Iteraera mai Tion! Ngkana E a manga kaoka te kab'aia

Te UEA nakoia ana kariki Iakob'a, ake

te botannaomata ake Iteraera,

Ao ane a na kim'areirei!