1Ongora, Iteraera
ngkai E bukiniia aomata nako
te UEA aika i nanon te aba!
Bon akea temanna ae e onimakinaki
ke kakaonimaki ke n tabeakina raoi te Atua.
2A aki toki n riiriki baikai
Katekebuaka, karaoan ae e aki raoiroi, te tiritiri,
te kimoa, ao te aki kakaonimaki.
Te kiriwe n taabo nako.
3Ao e a rereua abam.
A bane ni mate maan aika a maiu
aomata ma maan aika aki manana,
mannikiba ao ika.
Kauringakiia Aomata Irouia Burabeti4Ko na aki ti bukina temanna!
Tiaki aomata ni kabane aika a bure.
N na katei ngkami,
aika ibonga.
5Ko na tatanako ngkoe ma burabeti
ni ngaina ao ni bong;
N na kain wiia tinami.
6Kam a tia ni katinanikuai ngkami aika ibonga,
ao a uruanaki au aomata
i bukina ngke a rawa n ongo.
Ma ngaia are, N na katinanikuingkami ma ni kaaki taekaia
natimi, i bukina ngke
kam a tia ni m'aninga taekan au tua.
7Kam'aitakiia riki ami ibonga,
bon kam'aitan riki
aia bure aomata.
Ngkai N na onika kainikatongami
nakon te mamaa.
8Kam kaungai nanoia tabem'aang b'a a na bure,
b'a kam na konaa ni kaoningkami
n aia karea ni kab'ara bure.
9Ao bon anne bukina ngkai
N na katuaaia aomata i bukin te b'ai ae a tia ni karaoia,
n aron naba ae N na katuuaingkami
ngkami aika ibonga.
10A na aki rauaki n te am'arake,
ao e na aki reke karikan naati
man te wene ni bure n aia baangota beekan.
A tia ni kaitaraai au aomata
11ao a tia n aki kakaonimaki
nako iu, Ngai ae aia UEA.
Kabuakakaan Taromaurian Bouananti Iroun Te AtuaKam nanobaba Au aomata
b'a kam rangi ni kam'aita iangoan te kukurei
ma iangoan te wain.
12Kam kaantaningai bouananti aika taiani kai
ao b'aai riki ake tabeua aika a karaoaki n te kai
b'a a na anganingkami aromi.
Ni wene ni bure n taian bangota
e boni kaoti aromi n aki kakaonimaki
nako iu, Ngai ae Atuami.
13Kam anga karea
i aon taubukin maunga ma tabuki,
i aan aroka aika taian oke, ao taabo nako
ike a tamaroa nuuia.
Oin natim aika aine
ao aika ai natim aine
a kaboonakoi rab'ataia i bukin te wene ni bure.
14Ma I aki katuaaia.
Boni ngkami aika m'aane aika kam riai ni bukinaki,
i bukina b'a kam nako ni kawariia ainen matawa
ao kam anga karea ma ngaiia
n aia baangota nako beekan.
E na uotingkami nanobabami
nakon uruakami.
15Iteraera, kam aki kakaonimaki,
ma kam na aki kaira Iuta nakon te bure.
Katoka te taromauri i Kirekara
ke Betaera ae bubure
Ao ani katoka karaoan taiani berita
n arau-aran
te UEA ae E maiu.
16Bon akea uaam
n ai aron te kao ae e taningabono
ko rangi n taningabono n te aro are I aki konaa Ngai ae te UEA,
ni kaam'arakeko kaanga taian tiibu ataei
i nanon te tabo n uteute ae e tangaina.
17Ngkami aika Iteraera
kam a katamaroaaki n taian bouananti.
Katikuia n aroia aomata akanne!
18Kam manging, ao i mwiina kam matu
ma taian ainen matawa;
Kam aki tau ni kaira te maiu ae e raoiroi.
b'a e buakaka maiumi.
19Ma ngaia are, kam na iribaki nako
n te ukeukenanti
i bukina ngke kam anga karea nakon taian bouannanti.
Who We AreWhat We EelieveWhat We Do
2025 by iamachristian.org,Inc All rights reserved.
