1N na karaoiroa te UEA n te bong ae koraki;
N na aki toki ni karaoiroia.
2N na karaoiroia i bukini baika E a tia ni karaoi;
A na kukurei akana karawaawataaki ngkana a ongo taekana!
3Kam na neboa te UEA ma ngai,
Ao ti na bane ni karietata arana.
4I tataro nakon te UEA, ao E ongo irou:
E kamaiuai mani b'aai ni kabane aika I maaku iai.
5Onimakinna, ao kam na kukurei;
Kam aki kona ni b'ainrang.
6E weteia te aomata ae kainano, Ao E ongo i rouna;
E kamaiua man rawawatana ni bane.
7A kakawakinaki akana karinea te UEA iroun ana anera,
Ao e kamaiuia man taiani kaangaanga.
8Kataia ni kunea i bon iroum aron raoiroin te UEA.
E a kab'aia te aomata ae nakoina i bukini kamanoana.
9Kam na karinea te UEA, ngkami aika kam onimakinna:
a aki kai nanoia akana karinea.
10A kona raian ataei ni baki b'a akea kanaia,
ma akea te b'ai ae e raoiroi ae na aki reke irouia akana ongeaba iroun te UEA.
11Ngkami aika kam reirei irou, kam na nako mai n ongora irou,
ao N na reireingkami b'a kam na rabakau ni karinea te UEA.
12Ai antai ae tangira maiuna
b'a e na ananau ma ni kakukurei?
13Ma ngaia ae tai taetae n iowawa,
ao tai b'aina te kewe.
14Taan nako man te buakaka, Ao karaoa ae e raoiroi.
Kekeiaki ni b'aina te rau ni maium.
15E aki kaaki matana te UEA mairouia akana raoiroi;
ao E ongo ni b'anaaia ni bubuti.
16Ma E ekianako nako akana buakaka,
b'a ngkana a mate, ana bon akea naba ururingakiia teutana.
17Ngke a tangira buokaia akana raoiroi, ao E ongo te UEA irouia;
ao E kamaiuia man aia kaangaanga ni bane.
18E kaan te UEA ma akana a b'ara nanoia,
ao E kamaiuia akana uruaki nanoia.
19A bati baika e karawaawataaki iai te aomata ae e raoiroi;
Ma E kamaiua te UEA mani baikanne ni kabane.
20E tararuaia raoi te UEA,
ao akea naba teutana ikoakina.
21A na mate akana buakaka n aia m'akuri aika bubuaka;
Ao a na karawaawataaki akana ribaia akana raoiroi.
22E na kamaiuia ana Aomata te UEA,
Ao a na aki kabuakakaaki akana kamanoia i rouna.
Who We AreWhat We EelieveWhat We Do
2025 by iamachristian.org,Inc All rights reserved.
