Mataio 17 - Kiribati New Version Bible

E Onikaki Taraan Iesu(Mareko 9.2-13; Ruka 9.28-36)

1I mwin onobong ao Iesu E wetea Betero, ma taari ake Iakobo ma Ioane, ao E kairiia nakon te maunga teuana ae rietaata, ao a tiku iai n ti ngaiia.

2A nora Iesu b'a e bitaki taraana, ao e oota moana n ai aron taai, ao a taraa ni mainaina n raneanea kunnikaina n ai aron te oota.

3Ao noria, a kaoti i mataia Moote ma Eria, ao a taetae ma Iesu.

4Ao e taku Betero nakon Iesu, “Te Uea, ai raoiroi ra b'a ae ti a mena ikai! Ngkana e bo raoi ma nanom, ao N na katei um'anrianna aika tenua, b'a teuana i bukim, ao teuana i bukini Moote, ao teuana i bukin Eria.”

5

21Ma a aki oti nako taimonio aika ai aron aei, ma ti n te tataro ma te aki-mamatam.

E a Manga Kaota riki Taekani Matena Iesu(Mareko 9.30-32; Ruka 9.43b-45)

22Ngke a bane ni botaki ana reirei Iesu i Kariraia, ao E taku nako ia, “Ane E na kam'aneaki Natin te Aomata nako nanoni baiia aomata,

23ao ane a na kamatea, ao E na manga kautaki n te katenibong.”

Ao a rangi n nanokawaki ana reirei.

Taekani Kab'akan te Taekiti i bukin te Um'antabu

24Ngke E roko Iesu ma ana reirei i Kaberenaum, ao a roko irouni Betero taan anaa te taekiti i bukin te um'antabu, ao a titirakinna ni kangai, “E kab'aka te taekiti ami tia reirei, ke E aki?”

25Ao ngaia e taku, “E kab'aka.”

Ao ngke e roko Betero n te auti, ao E taetae moa Iesu nako ina, ao E taku, “Tera am iango, Timon? Antai aika kab'ab'akai tiute ma taekiti nakoia uea n te aonnaba aei? Aia aomata ke aomata aika ianena?”

26E taku Betero nako Ina, “Aomata aika ianena.”

E taku Iesu nako Ina, “Ma ngaia ae a inaomata aia aomata mani kab'akaan te taekiti.

27Ma ti aki kani kauniia aomata aikai. Ma ngaia ae ko na nako n te nama, ao tewea nako am ao ma matauna, ao anaa te moa n ika ane teke; ao ngkana ko kaurea wina, ao ane ko na kunea te m'ane iai. Ko na anaia ao anganiia i buku ao i bukim.”