1Ao ngke E a tia te UEA ni katoka te aoraki are moan te kamamate man tiringakiia Iteraera, ao E taku nakon Moote ma Ereata are natin Aaron te mm'aane,
2“I tangiria b'a kam na kakaea b'a iraman Iteraera n aia utu nako. Ao ko na taui m'aitiia mm'aane akana 20 aia ririki ni maiu, ao i aona, akana a kona ni kaaina aia taanga ni buaka Iteraera.
3A katei maeka ngkai Iteraera i aon tabukin Moaba, i rarikin te karaanga are te Ioretan ni kaaitaraa te kaawa are Ieriko n iteran te karaanga are teuana. Ao a tuangiia Iteraera Moote ma Aaron
4te b'ai are E taekinna te UEA are warekaia mm'aane ake 20 aia ririki, ao i aona, n aron are a tia ni karaoia Moote ma aia bakatibu ngke a kitana Aikubita.
5M'aitiia mm'aanen te baronga are Reuben are ana karimoa Iakob'a
6bon 43,730.
7A nako mm'aane aikai man taiani kaainga ake Anoka, B'aru, Etiron, ao Karemi.
8B'aru bon taman Eriaba,
9ao tibun Nemuera, Ratan, ao Abiram. Bon aomata naba aikai ake a tia n rineaki irouia aomata, ma a ira ngkoa Kora, ao a kamangao nakoia Moote, Aaron ao te UEA.
10Ao E kauka aontano te UEA, ao e kab'autiia Ratan, Abiram, ao Kora. Ao ni bon te tai naba arei, a tiringaki naba 250 mm'aane n te ai b'a te b'ai n reirei nakoia nikiraia Iteraera.
11Ma a aki tiringaki te kaainga are Kora.
12M'aitiia kaain te baronga are Timeon bon 22,200
13ake man kaainga ake Nemuera,
14Iamin, Iakin, Tera, ao Tiaura.
15M'aitiia mm'aanen te baronga are Kata
16bon 40,500,
17ake man kaainga ake Tebon,
18Aki, Tuni, Otini, Eri, Arota, ao Areri.
19M'aitiia mm'aanen te baronga are Iuta bon 76,500
20ake man kaainga ake Tiera,
21Bereti, Tera, Etiron, ao Amura.
22A tia ni mate natin Iuta ake mm'aane ake Era ma Onan, ake a mate i Kanaan.
23M'aitiia m'anen te baronga are Itakara bon 64,300,
24ake man kaainga ake Tora,
25Buwa, Iatuba, ao Timron.
26M'aitiia m'anen te baronga are Teburun bon 60,500,
27ake man kaainga ake Tereta, Eron, ao Iareera.
28M'aitiia m'anen te baronga are Manate
29are natin Ioteb'a te mm'aane bon 52,700
30ake man kaainga ake Makira,
31Kireata are natina te mm'aane,
32ao aia kaainga tibuna mm'aane ake onoman,
33Ietera, Ereka, Atiriera, Tekem, Temita, Ebere. Natin Ebere te mm'aane are Terobeata bon akea natina te mm'aane,
34ma bon iai natina aine aika niman aika M'ara, Nooa, Okera, Mireka ao Tireta.
35M'aitiia m'anen te baronga are Eberaim are natin Ioteb'a te mm'aane bon 35,500
36ake man kaainga ake Tutera,
37Taan, ao Eran are natin Tutera te mm'aane.
38M'aitiia m'anen te baronga are Beniamin bon 45,600
39ake man kaainga ake Bera,
40Atibera, Airam, Tebubam, Ubam,
41ao ai uana naba mairoun Areta, ao Naaman, ake natin Bera mm'aane ake uoman.
42M'aitiia m'anen te baronga are Taan bon 64,400.
43A bane n nako man te kaainga are Tuam.
44M'aitiia m'anen te baronga are Atera bon 53, 400,
45ake man kaainga ake Imna,
46Itiwi, Beria, ao man kaainga ake Ebera, ma Marekiera ake natin Beria mm'aane.
47Natin Atera te aine bon Nei Tera.
48M'aitiia m'anen te baronga are Nabetari bon 45,400,
49ake man kaainga ake Ietera,
50Kuni, Ietera, ao Tirem.
51Bootan m'aitiia mm'aanen Iteraera ake a tauaki araia bon 601,730.
52Ao E taku te UEA nakoni Moote,
53“Ko na tib'a te aba are Kanaan i aoia baronga aikai. Anga te tib'a ae buubura nakon te baronga ae buubura, ao angan te baronga ae uarereke tib'ana ae uarereke,
54b'a a aonga ni m'aiti riki abaia baronga ake a buubura nakon baronga ake a uarereke.
55N na kaota nako im
56te aba are ko na aanga nakoia baronga n tatabeua nako, b'a a na karekea abaia n aron m'aitin are a kainanoia, ni kaineti ma m'aitin aia aomata i nanon aia baronga.”
57A mena kaainga ake Kerition, Koata, ao Merari i nanon te baronga are Rewi,
58ao ai uana naba ma te kaainga ake Ribeni, Eberon, M'ari, Muti, ao Kora. Taman Koata are kanoan Rewi bon Amaram,
59are buun natin Rewi te aine are Iokebeta, are e bungiaki ngkoa i Aikubita. Natin Amram ma Iokebeta ake teniman bon Aaron, Moote, ao Miriam.
60Aaron bon taman Nataba, Abiu, Ereata, ao Itama.
61Ma a tia ni mate Nataba ma Abiu ngke a anga te ai ae aki kukurei iai te UEA.
62Iai mm'aane, ao ataeinimm'aane, aika man teuana aia nam'akaina ni maiu ni waerake, i nanon te baronga are Rewi aika 23,000 m'aitiia. A aki warekaki i buakoia baronga ake tabeua, bukina ngke a reke abaia i Kanaan.
63A warekia Iteraera Moote ma Ereata ngke a katei maeka i tabukin Moaba i rarikin te karaanga are te Ioretan ni kaaitaraa te kaawa are Ieriko n iteran te karaanga are teuana.
64Bon akea te aomata temanna mai buakoia ake a warekaki ngkoa iroun Moote ma Aaron n te wareaomata are e karaoaki n Rereuan Tinai ae tiku ni maiu,
65ma bon ti Kareb'a are natin Iebunne te mm'aane, ao Iotua are natin Nun te mm'aane. E a tia n taku te UEA b'a a na bane ni mate n te rereua ikekei.
Who We AreWhat We EelieveWhat We Do
2025 by iamachristian.org,Inc All rights reserved.
