2.Uea 1 - Kiribati New Version Bible

Kabuakakaakin Aatia Iroun te UEA

1N te tai ae aki maan i mwiin maten uean Iteraera are Aaba, ao a kakaitaraa

2natin aia uea te m'aane are te uea are Aatia, kaain te aba are Moaaba.

Ao n te bong teuana, ao e a b'aka te uea are Aatia i nanon kaai aika a irariki are e katobibiaki ana buia iai i taubukin ana bareti are i Tamaria, ao a rangi ni korakora ikoakina. Ma ngaia are, e a kanakoia ana tia uarongorongo nakon te kaawa are Ekiron ma ana titiraki nakon te anti are Baretebub'a b'a e na kona ni marurung man aorakina ke e na aki.

3Ao ni bon te tai naba arei, ao e kanakoaki Eria are te burabeti are kaain Titibe b'a e na taetae nakoia ana tia uarongorongo te uea ni kaangai, E a tia Aatia ni kaakeaa are bon oin Atuana ngkai e kanakoko b'a ko na titirakina Baretebub'a i bukin ikoakina.

4Ko na tuangnga b'a ngkai e a tia ni karaoa aei, ao e nang reitinako wenena i aoni nnena ni matu ni karokoa matena! Ao e karaoi b'aai ake e tuangaki Eria.

5Ao ngke a okira Aatia taan uarongorongo, ao e a titirakiniia Aatia ni kaangai, E aera ngkai kam a rangi ni waekoa n oki?

6Ao a taku, B'a iai te m'aane ae ti kaaitibo ma ngaia i aoni kawaira ma te rongorongo nakoim mairoun te UEA. E kan ataia te UEA b'a bukin tera ngkai ko kanakoira b'a ti na kawara Baretebub'a i bukin ikoakim, ao e aera naba ngkai ko aki kakoauaa ae iai te Atua i aon Iteraera. E bon tuangiira naba te m'aane arei b'a E taku te UEA b'a ko nang mate.

7Ao e titiraki Aatia ni kaangai, Kaanga antai te aomata anne?

8Ao a taku, Bon te aomata ae e buraerae ao e roona nuukana n te bare ae te kunniman.

Ao e taku Aatia, Bon Eria te aomata anne.

9Ma ngaia are, e kawaekoa ni kanakoa te aobitia n te taanga ni buaka ao nimangaun tautia b'a a na kawara Eria.

E karaua n tekateka Eria i aon taubukin te maunga n te tai anne. Ao a tam'arake aobitia akekei nako ina ao a taku, ana Aomata te Atua. E tua te uea b'a Ko na ruo ni kawaria ni maroroo ma ngaia.

10Ao e taku Eria, Ngkana e koaua b'a ana Aomata te Atua ngai ao ke e b'aka te ai mai karawa i aomi ma tautia akana nimangaun. Ao e b'aka te ai mai karawa n te tai naba arei ni kabuoka te aobitia arei ma m'aane akekei.

11Ao e a manga kanakoia riki ana aobitia temanna Aatia, ao nimangaun riki tautia nakon Eria. Ao a taku aobitia ma m'aane akekei, ana Aomata te Atua, e tua te uea b'a ko na nooria ngkai naba.

12Ao e taku Eria, Ngkana e koaua b'a ana Aomata te Atua ngai ao ke e tiringi ngkami ma tautia akana nimangaun te ai. Ao e kanakoa rikaaki te ai mai karawa te Atua i aon te aobitia arei ma ana m'aane akekei.

13Ao e a manga kanakoa riki te kateniman n aobitia i bukin te taanga ni buaka, ao nimangaun riki tautia. Ao e tam'arake te aobitia aei nakon Eria, ao e b'aka ni katorobubua ao e bubuti, ana Aomata te Atua, taiaoka nanoangaai ma tautia aika nimangaun aikai aika am toro, tai tiringiira.

14“A tia ni kamannangiia aobitia ma aia tautia ake mai i m'aaira. Taiaoka tai karaoa naba anne nakoira.”

15Ao e taku ana Anera te UEA nakon Eria, Iriia ao tai maaku. Ma ngaia are, e teirake Eria ao e iranako te aobitia arei.

16Ao ngke e roko Eria ao e tuanga Aatia ni kaangai, “E kan ataia te UEA b'a bukin tera ngkai ko kanakoia am taan uarongorongo nako Ekiron b'a e na titirakina atuaia are Beretebub'a i bukin ikoakim. Ko aki kakoauaa ae iai te Atua i aon Iteraera? Aatia, ngkai ko kanakoia am taani uarongorongo akanne, ao e taku te Atua b'a e na aki reke marurungim. Ko nangi mate”.

17Ao e mate Aatia, n aron are E a tia n taekinna te UEA. Ma i bukina ngke akea natin Aatia te m'aane, ao e a manga uea tarina are Ioram. E riki aei n ana kauoua n ririki ni uea Ieoram are natin Ieotiab'ata ao uean Iuta.

18A tauaki mwiini b'aai ni kabane ake e karaoi Aatia i nanon ana tai ni uea i nanon te boki are Rongorongoia Uean Iteraera.