1Kam na anene ni kim'areirei nakon te Atua ae otangara;
Kam na anene ni kakatonga nakon Atuan Iakob'a.
2Tabeka te anene ao katanga te timbere,
ma te aabi ae kamaiu tangina,
ma te raea.
3Katanga te bu i bukin te bootaki ae
ab'ab'aki are te Toa ae Moan Otin Nam'akaina ao ngkana e a tanimainiku.
4Aio te tua i Iteraera,
ae roko mairoun Atuan Iakob'a.
5E anganiia te botannaomata ae Iteraera
ngke E eekaanako te aba are Aikubita.
I ongo te b'ana ae I aki ataia b'a antai b'anaana, ae kaangai,
6I anai uotami aika rawaawata mai aon akuumi,
Ao I kainaomataingkami mani m'akuri aika mamatoa.
7Ngke kam reke n te kaangaanga, ao kam weteai ao I kamaiungkami.
I buokingkami man au tabo ni karabai are n te angibuaka ma te baa.
I kataingkami i rarikini koburaken raan i Merib'a.
8Au botannaomata, kam na ongora i Rou b'a kam kaawa ngkana kam aki;
Iteraera, kam bia ira nanou n ongora irou!
9Bon akea naba te atua temanna
ae na mena i buakomi, ao kam na
bon aki taromauria naba teutana.
10Bon te UEA Ngai ae Atuam,
ae I kairiko ni kaotinakoko mai Aikubita.
Kaurea wiim ao N na kaam'arakeko.
11“Ma e aki kan ongo irou au botannaomata;
Iteraera e aki kan ongeaba naba.
12Ma ngaia ae I kariaia b'a a na iri nanoia aika matoatoa,
ni karaoi baike a tangiri.
13Bon au kaantaninga b'a a bia ongo irou au botannaomata!
A bia ongotaeka irou!
14Ngkana a konaa, ao N na katae aia kai aia kairiribai n te tai ae waekoa:
N na ekianako nako aiaia.
15A na bobaraaki i matau ma te maaku te koraki akana ribaai;
A na karawaawataaki n aki toki.
16Ma N na kaam'arakeingkami n te uita ae moan te raoiroi;
Ao N na kanuaingkami n aia karewe manibeeru.”
Who We AreWhat We EelieveWhat We Do
2025 by iamachristian.org,Inc All rights reserved.
