1A kab'aia akana mutiakiniia akana akea aia b'ai;
E na buokiia te UEA ngkana a reke n te kaangaanga.
2E na kawakinia te UEA ma n tautau mauriia;
E na kakab'aiaia i aon te aba;
E na aki kaaki taekaia i nanoni baiia aia kairiribai.
3E na buokiia te UEA ngkana a aoraki,
Ao E na manga kamarurungia.
4Ao ngai I taku, “te UEA, I a tia ni bure nakoim;
Ko na nanoangaai ao kamaiuai.”
5A atonga ae buakaka au kairiribai ni kaangai,
“N ningai ae e na mate iai,
n aki manga uringaki?”
6Ngkana a roko ni kawarai ao akea nanon aia taeka;
A kaikoi taekau aika aki raraoi,
Ao a oti nako n taekin n taabo nako.
7A bane ni wirikirikia taekau akana riribaai;
A iangoi baika N na kona ni karawawataki riki iai.
8A kaangai, “E rangi ni kakaiaki aorakina;
E na aki kona ni manga marurung.”
9Ao e eekainako naba te aomata
ae bon raou ni koaua ae I onimakinna,
ae raoraou n am'am'arake.
10Te UEA, Ko na nanoangaai, ao kamaiuai man aorakiu,
B'a I aonga ni kaboa mwin aia m'akuri nako iu.
11A na aki kona n tokanikai i aou,
Ao N na ataia iai ae ngaia Ko kukurei irou.
12Ko buokai i bukin ongeabau nako Im,
Ao Ko na katukai i rarikim n taai nako.
13E na karaoiroaki te UEA, ae Atuaia Iteraera!
E na karaoiroaki ngkai ao n aki toki!
Amen! Amen!
Who We AreWhat We EelieveWhat We Do
2025 by iamachristian.org,Inc All rights reserved.
