1Te Atua, Ko na ongo au weewete;
Ko na ongora n au tataro.
2I weteiko ngke e a b'ara nanou,
ao I raroa nako mani mwengau!
Ko na kairai nakon te b'aa ae rietaata
ae rietaata riki nako iu.
3B'a boni Ngkoe te tia kamanoai,
Ai aron te nono ae matoatoa Ngkoe, ae I mano raoi iai mairouia aiau.
4Ko na kamaekaai i nanon am Tembora ni kabanea bongini maiu;
Ko na kamanoai raoi i aan nun baim ni kiba.
5Te Atua, Ko a tia n ongo au taeka ake I taku b'a N na kakoro bukiia;
Ao Ko a tia n anganai te kab'aia are aia b'ai akana karineko.
6Ko na kamaana maiun te uea;
Kateimatoa maiuna nakon rooro ma rooro!
7E bia tautaeka n aki toki i aan am Kairiiri, te Atua;
Ao iriani maiuna bon am Atataiaomata ma am Kakaonimaki.
8N na anene n nebonebo nakoim,
Ao N na kakoro bukin au taeka ake I a tia n taku b'a N na kakoro, n te bong ae koraki.
Who We AreWhat We EelieveWhat We Do
2025 by iamachristian.org,Inc All rights reserved.
