1Ao e anga ana taeka Uean Aturia are Tarekon nakon ana mataniwi n taanga ni buaka b'a e na tauaki te kaawa ae e buubura are Atetota.
2Ni bon te tai naba aei ao e tuangai te UEA ni kaangai, “Itaia, buuti am kunnikai ni kabane, n ikotaki naba ma am kauniwae!” I karaoa aei, ao I nakonako n aki karabaanai ao n aki kauniwaenai
3i nanon tenua te ririki.
Ao i mwiina, e a manga taku te UEA:
Te b'ai ae e a tia ni karaoia Itaia bon te kauring nakon Aikubita ao Itiobia.
4A na bane ni uotaki nako iroun uean Aturia aomata ni kabane aika i nanon kaawa aika uoua aikai ao a na aki karabaaniia ao a na aki kauniwaeniia. Te ataei ma te ikawai, a na anaaki b'a taian taenikai, ao e na kamaamaaeaki Aikubita.
5Ane a na mangaongao ao a na b'ara nanoia, i bukina ngke a onimakina Itiobia ao a kamoamoa iroun Aikubita.
6Ngkana a riki baikai, ao ane a na kaangai aomata ake a maeka i mataniwiin taari, “Ani bon noora te b'ai ae e a riki nakoia! Ti biri ni karekei maiura irouia, ma te kaantaninga b'a a na kamaiura mai roun Uean Aturia. Ma ngkai, ai bon akea riki ara tabo ae ti na kamaiura iai.”
Who We AreWhat We EelieveWhat We Do
2025 by iamachristian.org,Inc All rights reserved.
