1Ti katituaraoiko, te Atua, ti katituaraoiko!
Ti kaotiotiko b'a Ko kakannato,
ao ti tataekin baika kamimii ake Ko a tia ni karaoi.
2E taku te Atua, “I a tia ni bairea te tai ni motikitaeka,
ao N na motikitaeka ma te eti.
3A ngae n ruru maan aika maiu,
ao e m'aeiei aonnaba,
Ma N na boni kawakini bouana
b'a a na nene ni matoatoa.
4I tuangiia akana buakaka b'a a na aki kainikatonga;
5I tuangiia b'a a na aki karietataia.”
6E aki roko mai mainiku ke mai maeao te motikitaeka;
Ao e aki roko naba mai meaang ke mai maiaki;
7Bon te Atua ae motikitaeka,
ni kabuakakaia tem'angina ao ni karaoiroia tabem'aang.
8E taua te m'angko i baina te UEA,
ae e onrake n te wain ae matoatoa are bon unna.
E kab'aroa, ao a moi iai aomata aika buakaka ni kabane;
A nimma ni karokoa te kabanea n timtim.
9Ma ngai, N na aki toki n tataekina Atuan Iakob'a,
Ma n anene n nebonebo nakoina.
10E na uru korakoraia akana buakaka,
Ao E karikirakei korakoraia akana raoiroi.
Who We AreWhat We EelieveWhat We Do
2025 by iamachristian.org,Inc All rights reserved.
