1Ao e ongo rongorongon Toromon te ueanaine mai Tieba, ma ngaia are, e nako Ierutarem ni kataia n taian titiraki aika a matoatoa. E kairiia ana aobitia tabeman, ao e kanoai taiani kaamero n taiani b'aintangira aika taiani boiarara, tirewa, ao taiani koora. Ao ngke e roko, ao e a maroroo ma Toromon i bukin b'aai ni kabane ake e atai.
2Ao e kabooi ana titiraki neirei Toromon ni kabane, e ngae ngkana e matoatoa te titiraki.
3Ao e rangi ni mimi te ueanaine mai Tieba ni wanawanan Toromon. E rangi ni mimi ngke e noora ana bareti,
4te am'arake i aon te taibora, ana mataniwi nako, ana toro ni kabane aika a kaboraoi, ao te karea are e anga i nanon ana Tembora te UEA.
5Ao e taku neierei:
Toromon, I ongo i aon abau rongorongom ma wanawanam ao b'aai ni kabane aika ko a tia ni karaoi i abau.
6Ma I bon aki kakoauai ni karokoa I a bon noria raoi ni matau! Ao ngaia a m'aiti riki aika I tuai n ongo taekaia. E korakora riki taekam nakon ae I a tia ni kaongoaki.
7A rangi n tekeraoi am mataniwi ma am aomata ngkai a mena ikai i rarikim b'a a konaa n reke aia tai n ongongora n am taeka n rabakau.
8I neboa te UEA ae Atuam. E tangiriko ao E karaoiko b'a uean Iteraera. E tangiriia kaain te aba aei te Atua ao e aki konaa n tannako mairouia, ai ngaia are, e a tia n anganiia aia uea ae e na tautaekaniia n te eti ao te raoiroi.
9Ao e angan Toromon e kaaniia e raka i aon aua te ngaa te kirokuraem te koora, ao taian tirewa ae e rangi ni m'aiti, ao taiani b'ai ni kaboiarara aika a rangi n raraoi aika a tuai man nooraki.
10Ao Toromon e a manga angan neirei b'aai ni kabane ake e tangiri
11n aron ae e m'aiti riki nakon are e a tia n anga neirei nako ina.
12Ao i mwiina, e a okinako neirei ma ana mataniwi nako abaia.
Kaub'ain Toromon(1 Uea 10.14-29)A uoti taiani koora, kaai aika tuniba, ao taiani atiibu aika a tamaroa ana kaimoa Iram ma Toromon nakon te uea are Toromon man te aba are Obira. E kabonganai taiani kai Toromon i bukin karaoan taiani kaintam'arake i bukin te Tembora ma te bareti, ao taian aabi ao b'aai riki ni katangitang ake tabeua ake taiani karai i bukiia taani katangitang. A bon tuai kaakaraoaki b'aai aikai mai m'aaina i aon Iuta.
13A reke iroun Toromon e kaaniia 23,000 kirokuraem te koora ni katoa ririki,
14ao e aki warekia b'a iraua ake a nikiria taani boob'ai ma taani iokinib'ai i rouna. A anganna naba taiani koora ao tirewa taian uea mai Arabia ao taani kairiiri mai Iteraera.
15E karaoi uabubua taian otanga aika taiani koora aika rawataia tenua te kirokuraem n tatabeua nako.
16E karaoi naba tenibubua otanga aika a uarereke riki aika koora aika 2 te kirokuraem rawaawatan teuana, ao e katikui taian otanga aikai i nanon ana bareti n te Ruu are Buakonikai.
17E karaoaki ana kaintokanuea man koron te ereb'anti ao e kabiraki n te koora ni koaua.
18Bon iai naba nangoan te wae ae te koora ae e nim ma ngaia, ao iai naba kaintokan te bai i rarikina ake uoua. Bon iai naba bannan te raian i angaatain ao angamaingin ana kaintokanuea,
19ao iai naba bannan taian raian aika tengaun ma uoman i angaatain ao angamaingin te kainrarake nakon te kaintokanuea ni katoai kainararake ake onoua. Bon akea te kaintokanuea n te aonnaba ae ai aron ana kaintokanuea Toromon.
20A karaoaki ana b'ainam'arake Toromon ake n te Ruu are Buakonikain Reb'anon man taian koora ni koaua, i bukina b'a a aki rangi ni kakaawaki taiani tirewa ni boong akekei.
21A m'aiti ana kaibuke ni m'am'ananga Toromon i taari. E kaakanakoi ni katoa tenua te ririki ma ana kaibuke Iram ni uoti rikaaki taiani koora, tirewa, ao koron taian ereb'anti, ao ai uana naba ma taiani m'angkii ao biikooki.
22Bon te kabanea ni kaub'ai ma ni wanawana Toromon n te aonnaba.
23I nanon te ririki teuana ma teuana, ao a roko uea tabem'aang n ongora wanawanana are e a tia n anganna te Atua.
24Ao a uoti taiani b'aintangira aika tirewa ma koora, ao ai uana naba ma taiani kunnikai, b'aai ni buaka, b'ai ni kaboiarara, taian aoti, ao ai taiani miure.
25M'aitin ana tabo ni kaawakin aoti ao kanibuaka Toromon bon aua te ngaa m'aitina, ao iai naba ana aoti ae m'aitina tebwi ma uoua te ngaa ake e kaawakin i Ierutarem ao ni kaawa naba ake tabeua.
26E tautaekaniia botannaomata nako man te Karaanga are Iuberetiti i meang nakon abaia kaain Biritia i maiaki, ni karokoa tian aban Aikubita.
27Ngke e uea Toromon, ao e raea te tirewa n taabo nako i Ierutarem, ao a m'aiti taian tiira kaanga ai aron kaai aika tukomorea i oin taian tabuki ake i maeao.
28A uotaki ana aoti Toromon man aaba tabeua, ni ikotaki naba ma Mutiri. Maten Toromon(1 Uea 11.41-43)
29Ao b'aai ni kabane ake e karaoi Toromon i nanon ana tai ni uea a bane ni koreaki n ana Rongorongo Natan are te burabeti, Aiia are te burabeti mai Tiro, ao Ito are te burabeti are e korea rongorongon Ieroboam are natin Netaba te m'aane.
30I mwiin tautaekan Toromon i nanon abwi te ririki mai Ierutarem,
31e a mate ao e taunaki n ana kaawa tamana are Tawita. E a manga uea natina are Reoboam i mwiina.
Who We AreWhat We EelieveWhat We Do
2025 by iamachristian.org,Inc All rights reserved.
