1Ma ngaia are, a toki ni kaekaekaa Iobi m'aane ake teniman, i bukina ngke e taku Iobi b'a e bon eti, ao akea ana bure.
2Ma e a aki kona n taotaona nanona temanna te aomata ae mena i rarikiia ae arana Eriu i roun Iobi ngke e kaeta are i bon i rouna, ao e bukina te Atua. (Eriu bon natin B'arakera, man te baronga are Buti, ao kain te kaainga are Ram)
3E un naba i roun raon Iobi ake teniman b'a a aki kona ni kabooi ana taeka Iobi, ao bon aei are e riki n tara ni bure iai te Atua.
4E tataninga moa banen aia taetae aomata akekei Eriu i bukina ngke boni ngaia te kabanea ni uarereke i buakoia.
5Ao ngke e nooriia b'a aki kona ni kaekaa Iobi m'aane ake teniman akekei, ao e rangi n un,
6ai ngaia are e a moana taetaena.
EriuI uarereke, ao ngkami kam a kara,
ma ngaia are, I maaku n tuangkami baika I atai.
7I tataku ngkoa i nanou,
b'a a wanawana riki unim'aane.
8Ma e mena tamnein te Atua ae
m'aaka i nanon te aomata ae E ikeike, ao E angan te aomata te rabakau.
9Ao bon tiaki te riki ni kara ae kawanawana te aomata,
ke ni buokia b'a e na ata te raoiroi.
10Ma ngaia are, kam na ongora i Rou;
Kariaia b'a N na tuangkami baika I atai.
11Nooria I kakauongo raoi ngke Kam tabe n taetae,
ao I tataningaiko ngke kam kakaei ami taeka n rabakau.
12I rangi n anga taningau nako imi ao kam bane ni kaairua,
b'a kam taku b'a e aki bure Iobi.
13Kam na kanga n taekinna b'a kam a tia ni kunea te rabakau?
E riai ni kaeka Iobi te Atua, ma kam aki kona.
14E taetae Iobi nako imi, ao tiaki nako Iu,
ao I bon aki kona ni kaeka n aron ane kam karaoia.
15Iobi, bon akea riki aia taeka raoraom aikai nako im;
akea riki te b'ai ae a na kona n kaekako iai.
16E koaua b'a N nang bon tataninga nako naba ngkana aikoa kakarongoa?
A tei ikekei n akea te b'ai ae a kona ni manga taekinna riki.
17E a tau ma N nang anga au kaeka n te tai aei,
ma n tuangko baika i nanou.
18I a kainano n tataninga te tai are N na taetae iai,
e a aki kona n tautaua wiiu.
19Ngkana e aki kona n reke au tai n taetae,
ao N na tabwenaua n ai aron te kunniman ae nnen te wain ngkana e onrake n te wain ae boou.
20I aki kona n taotaona riki nanou, N nang riai n taetae.
21Akea ae N na tei i bukina n te kauntaeka aei;
akea ae N na aki anaa nanon temanna n te kauntaeka aio.
22I babanga n anaa nanon temanna,
E na bon katuaaeai te Atua ngkana I karaoa aei.
Who We AreWhat We EelieveWhat We Do
2025 by iamachristian.org,Inc All rights reserved.
