1Te UEA, boni nera ni maeka Ngkoe n taai nako.
2I m'aini karikani maunga iroum,
Ngke Ko tuai ni karika aon te aba ma aonnaba,
Ao bon te Atua Ngkoe ma ngkoangkoa
ao n aki tootoki.
3Ko tuanga te aomata b'a e na oki nakon arona are ngkoa;
Ko onikia nakoni bubun te tano.
4Tengaa te ririki iroura ai aron ae ti te bongina iroum;
Ai aron ngkoananoa, ae te bongina ae e a nako,
Ai aron aoan teuana te tai n tei n tantani n te tairiki.
5Ko katoki maiura;
kanga ai aron te mii ae kaoti tabeua te tai ao i mwina e bua.
Ti te bo ngaira ma aeka n uteute aika a moana maiuia man te ingabong;
6A rikirake ao a uee,
ma ngke e a tairiki ao a rai ao a mate.
7Ti bora ni maaku n unim
ao ti kamaunaki iai.
8Ko aki ti norira ngke ti bure,
ma Ko norira naba ngke ti kataia ni karabai ara bure mairoum.
9A kai mauna nako maiura i bukin unim;
A waekoa ni kai toki n ai aron te ike ae ti te ikena.
10Ti itibwi ana ririki ni maiu te aomata,
ke tao wanibwi i bukin te matoa ni mauri;
Ma iriaia ti te rawaawata ma te aki rau;
a kai toki maiura, ti kai nako.
11Ai antai ae a tia n namakina aroni korakoran unim,
ke n ataa kakamaakuna?
12Reireiniira b'a ti na ataa ae kimototo maiura aio,
B'a ti aonga ni kareke nanora aika wanawana.
13Te UEA, ai ti maanraa am Tai n un?
Ani bita nanom, ao nanoangaira, ngaira aika am Toro.
14Ko na kaon nanora n am Tangira ni katoa ingabong,
B'a ti aonga n anene ni kakatonga ma ni kukurei ni kabane bongini maiura.
15Ko na kabati kukureira n ai aroni m'aitin ara tai n nanokawaki
n ririkini maiura ake ti karawaawataaki iai.
16Kariaira, ngaira aika am Toro ma natira,
B'a ti na noori am M'akuri aika kamimii aika Ko karaoi.
17Te UEA ae Atuara, Ko na kakab'aiaira.
Ko na katetekeraoira ni b'ai ni bane aika ti karaoi!
Who We AreWhat We EelieveWhat We Do
2025 by iamachristian.org,Inc All rights reserved.
