1E a tia te Wanawana ni katea ana auti
ae itiai bouana.
2E a tia ni katauraoa te iriko
ao e katauraoa naba te wain.
E a tauraoi ana baka n am'arake.
3E a tia ni kanakoa ana toro te aine
b'a e na katanoataa ana kakao
man tabuki aika a rietaata:
4“A kaoaki aomata akana a buurang
ke akana a nanobaba!
5Kam bane ni butim'aeaki
nakon te kang iriko ma te mooi wain.
6Ngkana kam tangiria ni maiu,
ao kam na kaaki nanobabami
ao karika te ataib'ai
b'a te tia kaawakin m'am'anangami.
Te Wanawana ni Koaua7Kaeta te tia kamoamoa ae akea boongana,
ao ane kam na karekea
ti te kammarakaki nanomi ao te korakai.
8Ane a na un iroumi taani kamoamoa
ni kabane akana kam kaetiia.
Ma ngkana kam kaeta temanna
ae iai ana iango
ao kam na taatangiraki.
9Ngkana iai am iangoraoi,
ao e na buokiko taian reirei
ni karekea riki nanom ae e riai.
Ao ngkana ko maiu raoi,
e na buokiko te kamateb'ai
ni konaa n ataa riki are i aona.
10Karinea ao ongotaeka iroun te UEA
Boni moanan te
wanawana aei.
Ngkana e reke iroum te ataib'ai,
ao ko riai n ataa te Atua are e Tabu.”
11Bon te Wanawana ngai.
Ngkana ko irai,
ao e na anaanau maium.
12E raoiroi iroum te iangoraoi,
ma ngkana ko kamoamoa
ao ko bon kammarakiko i bon i roum.
Ana Kakao te Nanobaba13E aki konaa n iango te nanakabi,
akea ana iangoraoi, ao e nanobaba.
14E tekateka i matan ana auti
ao i aon taian tabuki aika kabanea n rietaata
n te kaawa.
15E takaarua nakoia aomata ni kabane
ake a ri rarikina ni kaangai,
16“Ngkana ko kabitaia
ao nakomai riin!”
Ao e taku nakoia aika a nanobaba,
17“E kangkang riki te ran ae e iraeaki,
ao te kabanea ni kangkang te am'arake ae ko kanna ni karabaa.”
18A aki ataa te b'ai are e taekinna te Nanobaba
koraki ake a ongora i rouna
b'a kaanga ai aron raoiroia maate
ana iruwa nako.
Who We AreWhat We EelieveWhat We Do
2025 by iamachristian.org,Inc All rights reserved.
