1.Ioane 3 - Kiribati New Version Bible

Natin te Atua

1

3Ao aomata nako aika iai i rouia te kaantaninga aei, ae kaantaningan Teuarei, a kawakinia b'a a na itiaki ni maiuia, n ai aroni Kristo ngkae E itiaki ni maiuna.

4Ane karaoa ae bure ao e ekaanako te tua; ao te bure bon te ekaanako te tua.

5Ioa 1.29Ao kam bon ataia b'a E karokoaki Teuarei b'a E na uoti nako buure; ao bon akea te bure i nanona.

6Ane nim ma Ngaia ao e aki bure; ane bure ao e tuai n oota raoi n aroni Kristo, ke e tuai n ataia.

7Ataei aika uarereke, e na tai m'am'anaingkami temanna: b'a ane b'ab'aina te atataiaomata, ao e bon atataiaomata;

8ane karaoa ae bure ao boni mairoun te riaboro, b'a e a kamani bubure te riaboro ma ngke a moa n riki b'aai. E karokoaki Natin te Atua i bukin aei, b'a E aonga n uru ana m'akuri nako te riaboro.

9Ane bungiaki mairoun te Atua ao e aki karaoa ae bure, b'a e memena anuan te Atua i nanona; ao e aki kona ni bure, b'a e bungiaki mairoun te Atua.

10A kaotaki natin nako te Atua ma natin nako te riaboro n aei: ane aki karaoa nanon te Atua ao tiaki mairoun te Atua, ao ai uana naba ma ane aki tangira tarina.

Kam na i Tangitangiri

11 Ioa 13.34 B'a aio te taeka are kam ongo ma ngke kam moa n riki b'a Kristian, b'a ti na i tangitangiri;

12ao ti na aki katotonga aroni Kain are mairoun teuare buakaka, ngke e kamatea tarina. Ao e aera ngke e kamatea? B'a kioina ngke a bubuaka ana m'akuri, ao a raraoi ana m'akuri tarina.

13Taari, kam na tai mimi ngkana a ribaingkami kaain aon te aba ae bubure.

14Ioa 5.24Ti ataira b'a ti a tia ni butaki nako man te mate nako nanon te maiu, ngkai ti tangiriia taari. Ane akea te tangira i rouna, ao e maeka n te mate.

15Ane riba tarina ao ai aron te tia tiri aomata; ao kam ataia b'a bon akea te tia tiri aomata ae reke i rouna te maiu are aki toki.

16Ti ata te tangira n aei, ngke E anga maiuna i bukira; ma ngaia ae e riai b'a ti na anga maiura i bukiia taari.

17Ma ane iai ana b'ai aika b'ain te maiu aei, ao ngkana e nora tarina b'a iai kain nanona, ma e aki nanoangaia, ao e na kanga n taku b'a e mena i nanona tangiran te Atua?

18Au ataei aika uarereke, ti na tai i tangitangiri n ti te taeka ao n te newe, ma a na noraki arora n i tangitangiri n te m'akuri ao n te koaua.

19Ane ti na kona n ataira iai b'a ana b'ai te koaua ngaira, ao b'a a na reke raun nanora ngkana ti tei i matana;

20b'a ngkana a kabuakakaira nanora, ao E matairiki riki te Atua nakon nanora, ao E atai b'aai ni kabane.

21Ngkami aika kam tangiraki, ngkana a aki kabuakakaira nanora, ao ti aki maaku i matan te Atua;

22ao ane ti bubuti ao ti anganaki i Rouna, b'a kioina ngkai ti tau ana tua, ao ti karaoi baika kakukurei i matana.

23Ioa 13.34; 15.12,17Ao aio ana tua, b'a ti na onimakina aran Natina are Iesu Kristo, ao ti na i tangitangiri, n ai aron taekan te tua are E anganira te Atua.

24Ao ane tau ana tua ao e nim ma te Atua, ao te Atua E nim ma ngaia. Ao ti ataia b'a E nim ma ngaira n aei, i bukin te Tamnei are Raoiroi are E anganira.