Sakarja 10 - Bibel 1938 - Bibelselskapet(Bibel1938)

Til Herren skal folket venda seg med bøn um signing; einast han, ikkje avgudane, kann gjeva henne, 1-2. Herren skal straffa dei framande styrarane i Juda og i staden for dei lata det få eigne styrarar og gjeva det siger yver fiendane sine, 3-5. Mot Josefs hus (dei ti ættene) og skal han vera nådig. Han skal samla det, føra det attende med mektig arm og gjera det sterkt, 6-12.

1Herren må de beda um regn i tidi for vårregnet! Herren er det som skaper torever, og han sender fossande flod-skurer, so kvar mann fær grøda på si mark.

3Mot hyrdingane er harmen min kveikt, og bukkane vil eg heimsøkja; for Herren, allhers Gud, ser til si hjord, Judas hus, og gjer henne til stashesten sin i striden.

4Frå det skal hyrnesteinane koma, frå det naglane, frå det stridsbogane - frå det skal kvar einaste styresmann koma.

5Og dei skal vera lik kjempor som trakkar fiendane sine ned i striden nett som gateskarn; ja, strida skal dei, for Herren er med dei, og dei som rid på hestar, skal verta til skammar.