5. Mosebok 23 - Bibel 1938 - Bibelselskapet(Bibel1938)

Folk som er gjelde, born som er fødde i hor eller blodskam, og ammonitar og moabitar må ikkje koma i Herrens lyd; men edomitar og egyptarar i tridje leden kann få vera med, 1-8; lægret skal haldast reint, av di Herren er med folket der, 9-14; ein træl som hev rømt, skal ikkje sendast attende til herren sin, 15.16; ingen i Israel må fara med avgudsdyrking som det fylgjer sedløyse med, 17.18; ingen må taka rentor av ein fatig landsmann, 19.20; når ein hev gjort lovnader til Herren, skal dei haldast, 21-23; ein hev lov til å plukka i annan manns vinhage eller åker so mykje som ein kann eta på staden, 24.25.

1Den som er klakka eller skoren på blygsli, må ikkje vera med i Herrens lyd.

2Den som er fødd i hor, må ikkje vera med i Herrens lyd; jamvel etterkomarane hans radt til tiande leden skal vera utestengde frå Herrens lyd.

3Ein ammonit eller moabit må ikkje vera med i Herrens lyd; jamvel etterkomarane deira radt til tiande leden skal allstødt vera utestengde frå Herrens lyd,

5Men Herren din Gud vilde ikkje høyra på Bileam; han vende forbanningi um til velsigning for deg, av di han hadde deg kjær.

6Aldri i dine levedagar skal du syta for deira velferd og lukka.

7Edomitane skal du ikkje hava stygg til; for dei er brørne dine. Egyptarane skal du heller ikkje hava stygg til; for du hev havt tilhald i landet deira.

18Kom ikkje med skjøkjeløn eller tevepengar inn i huset åt Herren din Gud, um du so skulle hava lova sovore! For alle slike pengar er ein styggedom for Herren din Gud.