Salmane 11 - Bibel 1938 - Bibelselskapet(Bibel1938)

David viser frå seg den rådi at han skal berga livet med røming og halda si sak for tapt, 1-3. I trui på Herrens rettferd er han viss på at Herren vil lata straffi koma yver dei ugudlege fiendane hans, 4-7.

1Til songmeisteren; av David. / Til Herren flyr eg inn; kor kann de då segja til mi sjel: Fly til dykkar fjell som ein fugl?

2For sjå, dei ugudlege spenner bogen, dei legg si pil på strengen og vil skjota i myrkret på dei ærlege i hjarta.Sal 64,4-5

3Når grunnvollane vert nedrivne, kva kann då den rettferdige gjera?

4Herren er i sitt heilage tempel, Herrens kongsstol er i himmelen, hans augo skodar, ein blink av hans augo prøver mannsborni.Jes 66,1; Hab 2,20

5Herren prøver den rettferdige; men den ugudlege og den som elskar vald, hatar hans sjel.Sal 5,5

6Han let snaror regna ned på dei ugudlege; eld og svovel og glodheit vind vert dei tilmælt i deira staup.1 Mos 19,24; Esek 38,22

7For Herren er rettferdig, han elskar rettferd; på den ærlege ser hans åsyn.