4. Mosebok 33 - Bibel 1938 - Bibelselskapet(Bibel1938)

Moses fortel um ferdene åt Israels-borni, frå dei tok ut frå Egyptarland, og til dei kom til Kana'ans-landskillet, 1-49. Herren byd ein gong til at dei skal driva ut dei som bur i landet og skifta landet millom seg med lutkasting, 50-56.

1No skal eg nemna dei stadene der Israels-borni tok læger på ferdi si, då Moses og Aron førde dei ut or Egyptarlandet, flokk for flokk.

2For kvar gong dei tok ut ifrå lægret, skreiv Moses upp kvar dei var, so som Herren hadde sagt han fyre, og her er namni på lægerstadene deira etter som dei for fram.

3Femtande dagen i fyrste månaden tok Israels-borni ut frå Ra'amses; dagen etter påskehelgi for dei i veg med trass i hugen, midt for augo på alle egyptarane;2 Mos 12,37; 14,8

4egyptarane heldt då på og jorda alle sine frumborne, dei som Herren hadde slege i hel; yver gudane deira og hadde Herren halde dom.2 Mos 12,12

5Då Israels-borni hadde fare frå Ra'amses, lægra dei seg fyrst i Sukkot.2 Mos 12,37

6So tok dei ut frå Sukkot og lægra seg i Etam, som ligg ytst utmed øydemarki.2 Mos 13,20

7So tok dei ut frå Etam, men sidan snudde dei um og tok vegen til Pi-Hakirot, som ligg midt imot Ba'al-Sefon, og dei lægra seg framanfor Migdol.2 Mos 14,2

8So tok dei ut frå Hakirot og for tvert igjenom havet til øydemarki, og då dei hadde fare tri dagar i Etamøydemarki, lægra dei seg i Mara.2 Mos 14,22.29; 15,23

9So tok dei ut frå Mara og kom til Elim. I Elim var det tolv vasskjeldor og sytti palmetre, og dei lægra seg der.2 Mos 15,27

10So tok dei ut frå Elim og lægra seg ved Raudehavet.

11So tok dei ut frå Raudehavet og lægra seg i Sinøydemarki.2 Mos 16,1

12So tok dei ut frå Sinøydemarki og lægra seg i Dofka.

13So tok dei ut frå Dofka og lægra seg i Alus.

14So tok dei ut frå Alus og lægra seg i Refidim; med der fanst det ikkje vatn so folket kunde få drikka.2 Mos 17,1

15So tok dei ut frå Refidim og lægra seg i Sinaiøydemarki.2 Mos 19,1

16So tok dei ut frå Sinaiøydemarki og lægra seg i Kibrot-Hatta'ava.4 Mos 11,34-35

17So tok dei ut frå Kibrot-Hatta'ava og lægra seg i Haserot.

18So tok dei ut frå Haserot og lægra seg i Ritma.4 Mos 12,16

19So tok dei ut frå Ritma og lægra seg i Rimmon-Peres.

20So tok dei ut frå Rimmon-Peres og lægra seg i Libna.

21So tok dei ut frå Libna og lægra seg i Rissa.

22So tok dei ut frå Rissa og lægra seg i Kehelata.

23So tok dei ut frå Kehelata og lægra seg innmed Seferfjellet.

24So tok dei ut frå Seferfjellet og lægra seg i Harada.

25So tok dei ut frå Harada og lægra seg i Makhelot.

26So tok dei ut frå Makhelot og lægra seg i Tahat.

27So tok dei ut frå Tahat og lægra seg i Tarah.

28So tok dei ut frå Tarah og lægra seg i Mitka.

29So tok dei ut frå Mitka og lægra seg i Hasmona.

30So tok dei ut frå Hasmona og lægra seg i Moserot.

31So tok dei ut frå Moserot og lægra seg i Bene-Ja'akan.5 Mos 10,6-7

32So tok dei ut frå Bene-Ja'akan og lægra seg i Hor-Hagidgad.

33So tok dei ut frå Hor-Hagidgad og lægra seg i Jotbata.

34So tok dei ut frå Jotbata og lægra seg i Abrona.

35So tok dei ut frå Abrona og lægra seg i Esjon-Geber.

36So tok dei ut frå Esjon-Geber og lægra seg i Sinøydemarki, i Kades.4 Mos 20,1

37So tok dei ut frå Kades og lægra seg attmed Horfjellet, i landskilet med Edom.4 Mos 20,22

38Då gjekk Aron, presten, upp på Horfjellet, som Herren hadde sagt han fyre, og der døydde han i det fyrtiande året etter Israels-borni hadde teke ut frå Egyptarlandet, fyrste dagen i femte månaden.4 Mos 20,25-29; 5 Mos 10,6; 32,50

39Aron var hundrad og tri og tjuge år gamal då han døydde på Horfjellet.

40Men den kana'anitiske kongen i Arad, som budde i sørluten av Kana'an, fekk høyra at Israels-borni kom;4 Mos 21,1

41då tok dei ut frå Horfjellet og lægra seg i Salmona.

42So tok dei ut frå Salmona og lægra seg i Punon.

43So tok dei ut frå Punon og lægra seg i Obot.4 Mos 21,10

44So tok dei ut frå Obot og lægra seg i Ije-Ha'abarim i landskilet med Moab.4 Mos 21,11

45So tok dei ut frå Ijim og lægra seg i Dibon-Gad.

46So tok dei ut frå Dibon-Gad og lægra seg i Almon-Diblataima.

47So tok dei ut frå Almon-Diblataima og lægra seg attmed Abarimfjelli, framanfor Nebo.

48So tok dei ut frå Abarimfjelli og lægra seg på Moabmoane ved Jordanelvi, midt for Jeriko;

49lægret deira låg langs med Jordan og rakk frå Bet-Hajesimot til Abel-Hassittim på Moabmoane.

50Og Herren tala til Moses på Moabmoane ved Jordan, midt for Jeriko, og sa:

51Tala til Israels-borni og seg til dei: Når de hev fare yver Jordan og kome inn i Kana'anslandet,

52so skal de driva ut alle dei som bur der i landet, og knasa alle biletsteinane deira og slå sund alle gudebileti dei hev støypt seg, og øydeleggja alle offerhaugane deira.2 Mos 23,32-33; 34,12-26; 5 Mos 7,2-15

53De skal eigna til dykk landet og setja dykk ned der; for dykk hev eg gjeve det landet til odel og eiga.

54De skal skifta det millom dykk etter ætter og kasta lut um bygdene. Den ætti som hev mykje folk, skal de gjeva mykje jord, og den som hev lite folk, mindre. Kvar skal få den eigedomen som luten hans kjem ut med. Etter ættene de høyrer til, skal landet bytast millom dykk.4 Mos 26,54-55; Jos 14,1-5

55Men driv de dei ikkje ut, dei som no bur i landet, so skal dei som de sparer, verta tornar i augo og broddar i sidone dykkar, og dei skal plaga dykk i det landet de bur i.2 Mos 34,12.15-16; Jos 23,13; Dom 2,3

56Og det som eg hadde tenkt å gjera med dei, det skal eg då gjera med dykk.