Salmane 33 - Bibel 1938 - Bibelselskapet(Bibel1938)

Songaren bed dei truande lova Herren, 1-3. Han er den sannordige og trufaste, den rettferdige og nådige, 4.5. Han er den allmektige, som hev skapt verdi ved sitt ord, 6-9, og som fullfører sine råder til bate for sitt folk og gjer rådene åt fiendane um inkje, 10-12. Han er den alltvitande, som veit alt som menneski tenkjer og gjer, 13-15. Han er den einaste som kann frelsa dei gudlege; ingi makt på jordi kann hjelpa dei, 16-19. David talar til slutt um den tillit som han og alle gudlege hev til Gud, og bed han vera dei nådig, 20-22.

1Fagna dykk høgt i Herren, de rettferdige! For dei ærlege sømer seg lovsong.Sal 32,11; 64,11

2Prisa Herren med citar, lovsyng han til tistrengja harpa!

3Syng han ein ny song, rør strengen fagert med fagnadljod!

4For Herrens ord er ærleg meint, og all hans gjerning er trufast.4 Mos 23,19; 1 Sam 15,29; Sal 19,9; 146,6

5Han elskar rettferd og rett; av Herrens miskunn er jordi full.

6Himlane er skapte ved Herrens ord, og all deira her ved hans munns ande.1 Mos 1,6-7; 2,1

7Han samlar havsens vatn som ein dunge, legg dei djupe vatn i upplagshus.1 Mos 1,9; Job 38,8; Sal 104,7-9

8All jordi må ottast for Herren, for han skjelve alle som bur i mannheimen!

9For han tala, og so vart det; han baud, og so stod det der.1 Mos 1,3; Sal 148,5

10Herren spiller heidningfolks råd, gjer folkeslags tankar til inkjes.Job 5,12; Ordt 21,30

11Herrens råd stend ved lag i all æva, hans hjartans tankar frå ætt til ætt.

12Sælt er det folk som hev Herren til sin Gud, det folk som han valde ut til sin arv.Sal 144,15

13Frå himmelen skodar Herren ned, han ser alle mannsborni.

14Frå den staden der han bur, ser han ned til alle som bur på jordi,Sal 11,4

15han som hev laga deira hjarto alle saman, han som aktar på alle deira gjerningar.Ordt 21,1

16Ein konge vert ikkje frelst ved si store hermakt, ei kjempa ikkje berga ved si store kraft.

17Hesten er sviksam hjelp til frelsa, og med sin store styrke bergar han ikkje.Sal 147,10; Ordt 21,31

18Sjå, Herrens auga ser til dei som ottast han, som ventar på hans miskunn,

19til å fria deira sjel frå dauden og halda dei i live i hungersnaud.Job 5,20; Sal 34,10; 37,19

20Vår sjel ventar på Herren; han er vår hjelp og vår skjold.5 Mos 33,29

21For i han gled vårt hjarta seg, for di me set vår lit til hans heilage namn.

22Di miskunn, Herre, vere yver oss, so som me vonar på deg!