Nehemja 11 - Bibel 1938 - Bibelselskapet(Bibel1938)

Dei av folket som busette seg i Jerusalem, vert upprekna, 1-24. Hitt folket budde kring i landet i Juda- og Benjaminbyane, 25-36.

1Hovdingane åt folket budde i Jerusalem. Hitt folket kasta lut soleis at tiande kvar mann skulde bu i Jerusalem, den heilage byen, og hine ni tiandepartane i dei andre byane.

4I Jerusalem budde nokre av Juda-borni og av Benjamins-borni. Av Juda-borni: Ataja, son åt Ussia, son åt Sakarja, son åt Amarja, son åt Sefatja, son åt Mahalalel, av etterkomarane etter Peres,

5og Ma'aseja, son åt Baruk, son åt Kol-Hose, son åt Hasaja, son åt Adaja, son åt Jojarib, son åt Sakarja, son åt Hassiloni.

6Peres-borni som budde i Jerusalem, var i alt fire hundrad og åtte og seksti våpnføre menner.

7Av Benjamins-borni var det: Sallu, son åt Mesullam, son åt Joed, son åt Pedaja, son åt Kolaja, son åt Ma'aseja, son åt Itiel, son åt Jesaja,

8og etter han Gabbai-Sallai, i alt ni hundrad og åtte og tjuge.

9Joel Sikrison var formannen deira, og Juda Hassenuason var den næst øvste i byen.

10Av prestane var det: Jedaja Jojaribsson, Jakin

11og Seraja, son åt Hilkia, son åt Mesullam, son åt Sadok, son åt Merajot, son åt Akitub, forstandaren for Guds hus,

12og brørne deira, som gjorde tenesta i huset, åtte hundrad og tvo og tjuge i talet, og Adaja, son åt Jeroham, son åt Pelalja, son åt Amsi, son åt Sakarja, son åt Pashur, son åt Malkia,

13og brørne hans, ættehovdingar, tvo hundrad og tvo og fyrti i talet, og Amassai, son åt Asarel, son åt Ahsai, son åt Mesillemot, son åt Immer,

14og brørne deira, hundrad og åtte og tjuge dugande menner. Sabdiel, son åt Haggedolim, var formannen deira.

15Av levitane var det: Semaja, son åt Hassub, son åt Asrikam, son åt Hasabja, son åt Bunni,

16og Sabbetai og Josabad, som stod fyre utearbeidet ved Guds hus og båe høyrde til hovdingane åt levitane,

17og Mattanja, son åt Mika, son åt Sabdi, son åt Asaf, songmeisteren, som røysta i med lovsongen ved bøni, og Bakbukja, den som var næst etter han av brørne hans, og Abda, son åt Sammua, son åt Galal, son åt Jeditun.

18Levitane i den heilage byen var i alt tvo hundrad og fire og åtti.

19Av dørvaktarane var det: Akkub, Talmon og brørne deira, som heldt vakt ved portane, i alt hundrad og tvo og sytti.

20Dei hine israelitane, prestane og levitane budde i alle dei andre Judabyane, kvar på sin odel.

21Tempelsveinane budde på Ofel, og Siha og Gispa var formennene deira.

22Formannen for levitane i Jerusalem ved tenesta i Guds hus var Ussi, son åt Bani, son åt Hasabja, son åt Mattanja, son åt Mika, av Asafs-borni, songarane.

23For det var gjeve påbod um det av kongen og gjort ein fast skipnad um det dei - songarane - hadde å gjera dag for dag.

24Petahja Mesesabelsson, ein av etterkomarane etter Serah Judason, gjekk kongen til handa i alle saker som galdt folket.1 Mos 38,30

25Kjem me so til landsbyane med markene som høyrer til, so budde nokre av Juda-mennene i Kirjat-Arba og bygdene der ikring, i Dibon og bygdene der ikring, i Jekabse'el og grendene som høyrer til,

26i Jesua og Molada og Bet-Pelet,

27i Hasar-Sual, i Be'erseba og bygdene der ikring,

28i Siklag, i Mekona og bygdene der ikring,

29i En-Rimmon og Sora og Jarmut,

30Sanoah, Adullam og grendene som høyrer til, Lakis med markene som høyrer til, og Aseka med bygdene der ikring. Soleis hadde dei sine bustader frå Be'erseba til Hinnomsdalen.

31Benjamins-borni hadde sine bustader alt ifrå Geba: i Mikmas og Aja, i Betel med grendene der ikring,

32i Anatot, Nob, Ananja,

33Hasor, Rama, Gitta'im,

34Hadid, Sebo'im, Neballat,

35Lod, Ono og Timbremannsdalen.1 Krøn 4,14

36Av levitane var det nokre lag frå Juda som kom til å høyra til Benjamin.