Esra 6 - Bibel 1938 - Bibelselskapet(Bibel1938)

Kong Darius vert vis med at Kyros hadde gjeve jødane lov til å byggja templet upp att; so byd han dei persiske embetsmennene at dei ikkje skal hindra dei, men vera dei til hjelp i alle måtar, 1-12. Dei gjer som han hev sagt; templet vert fullført og vigsla; jødane held påskehelg, 13-22.

1Då sette kong Darius nokre menner til å granska etter i arkivet, som var nedlagt i skattkammeret i Babel.

2Og i borgi Ahmeta i Medialandet vart det funne ei bokrulla, som det var skrive soleis i: Til minne:

3I det fyrste året av kongedømet sitt sende Kyros ut dette påbodet: Um Guds hus i Jerusalem: Det huset skal byggjast upp att, so det vert ein stad der folk kann bera fram offer. Grunnvollen skal leggjast på nytt. Sjølve huset skal vera seksti alner høgt og seksti alner breidt,