Forkynnaren 10 - Bibel 1938 - Bibelselskapet(Bibel1938)

Preikaren held fram og prisar visdomen; han syner umstendeleg kor skadeleg dårskapen er, både i det heile og når det gjeld høvet til hovdingar og styremakter, og lærer korleis ein skal bera seg åt når han hev med hovdingar å gjera, 1-20.

1Eiterflugor set illtev og æsing i salven åt salvelagaren; jamvel ein liten grand dårskap skjemmer ut ein mann som stend høgt i visdom og æra.

2Vismanns hug vender til høgre, men dårehugen til vinstre.

3Og kvar helst dåren gjeng, tryt vitet hans, og han segjer frå til alle at han er ein dåre.

4Um hovdings vreide reiser seg mot deg, so gakk ikkje frå din post! For spaklynde hindrar store synder.

20Ikkje ein gong i tankane må du banna kongen, og ikkje ein gong i ditt sengrom må du banna den rike; for fuglane i lufti ber ljoden burt, og dei fløygde fortel kva du hev sagt.