Salmane 110 - Bibel 1938 - Bibelselskapet(Bibel1938)

David forkynner lyden at han hev høyrt i åndi korleis Herren hev gjeve Messias, herren hans, lut i si allmakt og gjort han til herre yver fiendane hans, 1.2, og at Messias eig eit heilagt folk som viljugt og lydigt tener han i striden mot fiendane, med di Herren hev gjort han til æveleg prest etter Melkisedeks vis, 3.4. So skildrar han korleis Messias med uvinneleg makt slær ned alle sine fiendar utyver den vide jord, 5-7.

1Av David; ein salme. / Herren sa til min Herre: Set deg ved mi høgre hand, til dess eg fær lagt dine fiendar til skammel for dine føter!Dan 7,13-14; Matt 22,44; Apg 2,34-35; Ef 1,20-22; Hebr 1,13; 1 Kor 15,25

2Ditt veldes kongsstav skal Herren retta ut frå Sion; ver herre midt imillom dine fiendar!Sal 2,6.8-9

3Ditt folk møter viljugt fram på ditt veldes dag; i heilagt skrud kjem din ungdom til deg, som dogg or fanget på morgonroden.Mi 5,6

4Herren hev svore, og han skal ikkje angra det: Du er prest til æveleg tid etter Melkisedeks vis.1 Mos 14,18-24; Hebr 5,6.10; 6,20; 7,17.21

5Herren ved di høgre hand knasar kongar på sin vreide-dag.Sal 2,5-7

6Han held dom millom heidningane, fyller upp med lik, han knasar hovud utyver den vide jord.Sal 45,4-6; 68,22; Op 19,11-16

7Or bekken drikk han på vegen, difor lyfter han hovudet høgt.