2. Krønikebok 16 - Bibel 1938 - Bibelselskapet(Bibel1938)

Baesa gjer Rama til ein fast by; Asa gjer samband med Benhadad, kongen i Syria, som vinn yver Baesa, 1-6. Profeten Hanani lastar Asa for di han hev gjort samband med Syria-kongen; Asa set han i fengsel og fer hardt med andre av folket og, 7-11. Asa vert sjuk, men søkjer ikkje Herren; han døyr og fær ei ærefull jordferd, 12-14.

1I seks og trettiande året av Asas kongedømme gjorde Baesa, Israels-kongen, ei herferd mot Juda og bygde festningsverk i Rama, so ingen skulde få fara til eller frå Asa, Juda-kongen.1 Kong 15,17-24

2Då tok Asa noko sylv og gull ut or skattkammeri i Herrens hus og i kongsgarden og sende det til Benhadad, kongen i Syria, som budde i Damaskus, med det bodet:2 Kong 12,18; 16,8

3Som du veit, er det eit samband millom meg og deg, som det var millom far min og far din. Her sender eg deg sylv og gull; brjot no sambandet du hev med Baesa, Israels-kongen, so han lyt hava seg burt ifrå meg!

4Benhadad gjorde som kong Asa bad han; han sende herhovdingane mot Israelsbyane, og dei hertok Ijon og Dan og Abel-Ma'im og alle upplagshusi i Naftalibyane.

5Då Baesa fekk bod um det, heldt han upp med å byggja festningsverk i Rama og la ned dette arbeidet.

6Men kong Asa tok heile Juda med seg, og dei førde burt steinane og timberet som Baesa hadde nytta til festningsarbeidet i Rama; med det bygde han Geba og Mispa um til festningar.

7Ved det leitet kom Hanani, sjåaren, til Asa, Juda-kongen, og sa til han: For di du sette lit til syrarkongen og ikkje til Herren din Gud, difor hev heren åt syrarkongen sloppe or hendene dine.Jer 17,5

8Var ikkje etiopane og libyarane og ein stor her med stridsvogner og hestfolk i mengdevis? Men for di du den gongen sette lit til Herren, gav han dei i ditt vald.2 Krøn 14,9

9For Herrens augo fer utyver all jordi, so han med si makt kann stydja dei som hev hjarta sitt heilt med han. Du hev fare uvitugt åt i dette; for heretter kjem du til å hava ufred stødt.Ordt 15,3; Sak 4,10

10Då vart Asa harm på sjåaren og sette han i fangehuset - so vond var han på han for dette. På same tid for han og hardt fram mot andre av folket.1 Kong 22,27

11Det som er å fortelja um Asa, frå fyrst til sist, det stend skrive i boki um kongane i Israel og Juda.

12I ni og trettiande året av kongedømet vart Asa sjuk i føtene, og sjukdomen hans vart verre og verre. Men endå han var so sjuk, søkte han ikkje Herren, men berre lækjarane.

13So for Asa til federne og døydde i ein og fyrtiande året av kongedømet sitt.

14Dei sette han ned i hans eige gravrom, som han hadde late hogga ut åt seg i Davidsstaden, og la han på ei lega; den hadde dei fyllt med ymse slag kryddor, som var blanda i hop på same vis som dei gjer det dei som lagar salvar. So kveikte dei ein ovstor eld til æra for han.