Jeremia 11 - Bibel 1938 - Bibelselskapet(Bibel1938)

Profeten skal mana folket til å halda den pakti som Herren gjorde med det då det for ut or Egyptarland, men som det ikkje hev halde trass i alle hans formaningar, 1-8. Han forkynner at Herren vil lata ei ulukka koma yver folket av di det hev brote denne pakti med avgudsdyrkingi si, og korkje dei bønene det sjølv bed til Herren eller avgudane, eller forbøni åt profeten eller den falske gudstenesta det driv med, skal kunna fria det frå den, 9-17. Kor stor gudløysa er, syner den ting at folket i Anatot, heimbyen hans, hev samrådt seg um å drepa han, av di dei harmast for profetordi hans. Difor forkynner Herren dei at dei skal ganga til grunns, 18-23.

1Dette er det ordet som kom til Jeremias frå Herren:

2Høyr ordi i denne pakti og tala til Juda-mennene og Jerusalems-buane!

3Seg til dei: So segjer Herren, Israels Gud: Forbanna vere den mann som ikkje lyder ordi i denne pakti,

19Men eg var som eit spakt lamb som vert leidt til slakting, og eg visste ikkje at dei hadde tenkt upp meinråder mot meg og sagt: Lat oss øydeleggja treet og frukti på det og rydja han ut or landet åt dei levande, so ingen lenger kjem namnet hans i hug!Jes 53,7-9

20Men Herren, allhers Gud, er ein rettferdig domar, han ransakar nyro og hjarta; eg skal få sjå at du hemner deg på dei; for eg hev lagt saki mi fram for deg.Sal 7,10; 17,3; Jer 17,10; 20,12

21Difor segjer Herren so um mennene i Anatot, dei som stend deg etter livet og segjer: Du må ikkje tala profetord i Herrens namn, elles skal du døy for vår hand,

22- difor segjer Herren, allhers Gud, so: Sjå, eg vil heimsøkja dei; dei unge mennene deira skal falla for sverd, sønene og døtterne deira skal døy av svolt,

23og ikkje noko skal verta leivt åt dei; for eg sender ulukka på mennene i Anatot det året dei vert heimsøkte.