1. Mosebok 26 - Bibel 1938 - Bibelselskapet(Bibel1938)

Isak heldt til i Gerar; Gud gjev han dei same lovnadane som han fyrr hev gjeve Abraham, 1-6. Isak gjev Rebekka ut for å vera syster hans; men Abimelek kjem etter at ho er kona hans, og byd at ingen må gjera dei noko vondt, 7-11. Gud velsignar Isak, so han vert rikare; filistrarane ovundar og plagar han, 12-22. Han fer til Be'erseba; der trøystar Gud han, 23-25, og Abimelek gjer ei pakt med han, 26-33. Esau giftar seg med tvo kvinner frå Kana'ans-land, 34.35.

1Og det kom eit uår, so det vart stor naud i landet - liksom fyrre gongen, medan Abraham levde. Då for Isak til Gerar, til Abimelek, filistarkongen.

21Sidan grov dei ein annan brunn. Den tretta dei og um, og han kalla han Sitna.

22So flutte han burt derifrå og grov ein ny brunn. Den tretta dei ikkje um, og han kalla han Rehobot, og sa: No hev Herren gjort det romt for oss, so me kann veksa i landet.

23Sidan for han derifrå upp til Be'erseba.

24Same natti synte Herren seg for han og sa: Eg er Gud åt Abraham, far din. Ver ikkje redd, for eg er med deg; eg skal velsigna deg og lata ætti di aukast for Abraham skuld, han som var tenaren min.

34Då Esau var fyrti år gamal, gifte han seg med Judit, dotter åt ein hetit som heitte Be'eri, og med Basmat, dotter åt ein annan hetit, som heitte Elon.1 Mos 36,2

35Men dei vart ei hjartesorg for Isak og Rebekka.