Esra 7 - Bibel 1938 - Bibelselskapet(Bibel1938)

Medan Artaxerxes er konge, fer Esras og nokre andre til Jerusalem og vil skipa alt der etter Herrens lov, 1-10. Kongen sender med han eit brev, der han gjev dei lov til å byggja og byd embetsmennene sine hjelpa dei, 11-26. Esras prisar Herren for det, 27.28.

1Ei tid etter at dette hadde hendt - medan Artaxerxes rådde yver Persarriket - drog Esra upp frå Babel. Han var son åt Seraja, som var son åt Asarja, son åt Hilkias,

2son åt Sallum, son åt Sadok, son åt Akitub,

3son åt Amarja, son åt Asarja, son åt Merajot,

4son åt Serahja, son åt Ussi, son åt Bukki,

5son åt Abisua, son åt Pinehas, son åt Eleasar, son åt Aron, øvstepresten.

6Han var ein skriftlærd mann, denne Esras, kunnig i Mose-lovi, den som Herren, Israels Gud, hadde gjeve. Kongen gav han alt det han bad um; for Herren hans Gud heldt si hand yver han.

7Nokre av Israels-borni og av prestane, levitane, songarane, dørvaktarane og tempelsveinane drog med han upp til Jerusalem; det var i sjuande året av kongedømet åt Artaxerxes.

8Han kom til Jerusalem i femte månaden av sjuande styringsåret åt kongen.

9For fyrste dagen i fyrste månaden tok han til å fyrebu ferdi frå Babel, og fyrste dagen i femte månaden kom han til Jerusalem; for hans Gud heldt si gode hand yver han.

10For Esras hadde lagt all sin hug til å granska Herrens lov og halda seg etter henne og til å læra folk lov og rett i Israel.

11Her kjem no ei avskrift av det brevet som kong Artaxerxes gav Esras, den skriftlærde presten, som var kunnig i dei bodordi og lovene som Herren hadde gjeve Israel:

12Artaxerxes, kongen yver kongane, til Esras, presten, han som er grunnlærd i lovi åt Gud i himmelen, og so burtetter.

15og til å føra dit det sylvet og gullet som kongen og rådgjevarane hans av godvilje hev gjeve Israels Gud, han som hev bustaden sin i Jerusalem,

16sameleis alt sylv og gull som du kann få i heile Babellandet, og dei friviljuge gåvone som folket og prestane vil gjeva til huset åt sin Gud i Jerusalem.

17Difor skal du for desse pengane med umhug kjøpa uksar og verar og lamb med dei matofferi og drykkofferi som høyrer til, og du skal ofra dei på altaret i huset åt dykkar Guds i Jerusalem.Esra 6,9

18Det du og brørne dine tykker det rettast å gjera med det sylvet og gullet som vert att, det må de gjera soleis som dykkar Gud vil.

19Men dei ting som du fær til tenesta i huset åt din Gud, dei skal du gjeva frå dei for augo åt Jerusalems Gud.

20Er det eller noko som trengst til huset åt din Gud, og som det fell på deg å kosta, so skal du lata skattkammeret åt kongen greida utgiftene.

21Og frå meg, kong Artaxerxes, hev det bodet gjenge ut til alle skattmeistrane på hi sida elvi: Alt det presten Esras bed dykk um - han som er kunnig i lovi åt Gud i himmelen - det skal de gjera og gjeva fullt ut,

22alt til hundrad talent sylv, hundrad kor kveite, hundrad bat vin og hundrad bat olje, og salt utan fyreskrive mål.

23Alt det som Gud i himmelen segjer fyre, det skal i fullt mål gjerast for huset åt Gud i himmelen, so det ikkje skal koma vreide yver riket åt kongen og sønene hans.

24Og det let me dykk vita at ingen skal hava makt til å leggja skatt, toll eller vegpengar på nokon av prestane, levitane, songarane, dørvaktarane, tempelsveinane eller nokon annan som hev tenesta i dette Guds hus.

25Og du, Esras, skal etter den visdom du hev fenge i varveitsla av din Gud, setja inn domarar og lovkunnige menner, som skal skifta rett åt alt folket på hi sida elvi - alle dei som kjenner lovene åt din Gud; og er det nokon som ikkje kjenner dei, so skal dei læra han å kjenna dei.

26Og kvar den som ikkje held seg etter lovi åt din Gud og lovi åt kongen, han skal det haldast rettvis dom yver, so han anten lyt lata livet eller verta utlæg eller fær bot eller kjem i fangehuset.

27Lova vere Herren, vår fedre-Gud, som la slikt i hugen åt kongen, so Herrens hus i Jerusalem kunde verta prydt,

28og som laga det so at kongen og rådgjevarane hans og alle dei mektige hovdingane hjå kongen fekk godvilje for meg! Sjølv kjende eg meg sterk, av di Herren min Gud heldt si hand yver meg, og eg samla nokre av ættehovdingane i Israel og fekk dei til å draga upp saman med meg.