1. Samuelsbok 4 - Bibel 1938 - Bibelselskapet(Bibel1938)

Israel dreg ut til strid mot filistarane, men taper og hentar Herrens kista, 1-5. Filistarane vert redde, men tek mod til seg att og vinn yver Israel og tek kista, 6-11. Med det same Eli fær tidendi um det, dett han ned av stolen sin og bryt halsbeinet; kona åt Pinehas, son hans, fær ein son, som ho kallar Ikabod, og døyr, 12-22.

1Samuels ord nådde yver heile Israel, og Israel drog ut til strid mot filistarane; dei lægra seg ved Eben-Eser, og filistarane lægra seg i Afek.

2So fylkte filistarane heren sin mot Israel, og striden breidde seg utyver; då tapte Israel for filistarane, og filistarane felte på sjølve slagmarki um lag fire tusund mann.

3Då no folket kom att til lægret, sa styresmennene i Israel: Kvifor hev Herren late filistarane vinna på oss i dag? Lat oss henta Herrens paktkista hit frå Silo, so ho kann koma og vera millom oss og berga oss frå fiendane våre!

22Ho sa: Kvorven er herlegdomen frå Israel; for Guds kista er teki.