Salmane 29 - Bibel 1938 - Bibelselskapet(Bibel1938)

David kallar englane til å prisa den makt og herlegdom som Herren syner i toreveret, 1-9. I denne Herrens herlegdom ser han eit trygt pant på at han, allmektig konge som han er, vil vakta og velsigna sitt eige folk, 10.11.

1Ein salme av David. / Gjev Herren, de Guds søner, gjev Herren æra og makt!Sal 96,7; 103,20-21; Jes 6,2-3

2Gjev Herren hans namns æra, tilbed Herren i heilag prydnad!

3Herrens røyst ljodar yver vatni, Gud den herlege torar, Herren yver dei store vatni.Job 37,2-5

4Herrens røyst ljodar med velde, Herrens røyst med herlegdom.Jes 30,30

5Herrens røyst bryt sund sedertre, Herren bryt sund sedertrei på Libanon,

6og han fær dei til å hoppa som ein kalv, Libanon og Sirjon som ein ung villukse.

7Herrens røyst slengjer ut kløyvde eldslogar.

8Herrens røyst fær øydemarki til å skjelva, Herren fær Kadesøydemarki til å skjelva.5 Mos 1,19

9Herrens røyst får hindane til å kalva og snøyder skogane, og i hans tempel segjer alt: Æra!Sal 11,4

10Herren sat på kongsstolen i storflod-tidi, og Herren sit konge til æveleg tid.1 Mos 6,17

11Herren skal gjeva sitt folk styrke, Herren skal velsigna sitt folk med fred.