Job 35 - Bibel 1938 - Bibelselskapet(Bibel1938)

Elihu tek til ords att mot Job, som hev sagt at han er rettferdigare enn Gud, og at han ikkje hev havt noko gagn av å ottast Gud, og syner han at eit menneske korkje kann skada Gud ved si synd eller gagna han ved si rettferd; det er berre seg sjølv og andre menneske det skader eller gagnar, 1-8. Når folk fåfengt ropar um hjelp mot dei som trælkar dei, so kjem det av at dei ikkje søkjer Gud, sin skapar, som frelser frå naud og lærer menneski sine vegar, 9-13. Guds vreide heimsøkjer og menneski når dei ikkje ventar tolugt på den domen som snart kjem yver dei ugudlege, men lastar han med mange uvituge ord, soleis som Job no gjer, 14-16.

1Og Elihu tok til ords att og sa:

2Meiner du vel at det er rett, du som hev sagt: Eg er rettvisare enn Gud,

3at so du spør: Kva gagnar det meg, kva bate hev eg um eg ikkje syndar?

11han som gjev oss meir vit enn dyri uti marki og gjer oss vise framum fuglane i lufti?

12Då fær dei ropa utan svar um hjelp mot ovmod hjå dei vonde.

13Visst høyrer ikkje Gud på tome ord, slikt ansar ikkje den Allmektige.Joh 9,31; Hebr 11,6

14Jamvel når du segjer at du ikkje ser han, so ser han nok di sak, og du lyt bia på han.Job 23,8-9

15Men no, av di du ikkje gjer det, heimsøkjer han deg i sin vreide, han aktar ikkje stort på ovmods-ord.

16Og Job let upp sin munn med fåfengd, han brukar mange ord, fåvitug som han er.