1. Kongebok 16 - Bibel 1938 - Bibelselskapet(Bibel1938)

Profeten Jehu varslar at Baesas ætt skal verta utrudd; Baesa døyr; Ela, son hans, vert konge, men er likso gudlaus som far sin; Simri drep han og ryd ut ætti hans, 1-14. Israel tek Omri til konge; han kringset Tirsa, der Simri held seg; då han hev styrt sju dagar, set han eld på slottet og brenn inne; Tibni tek og kongsnamn, men døyr snart etter, 15-22. Omri byggjer Samaria; han er verre enn dei kongane som hev vore fyre han; etter han er avliden, vert Akab, son hans, konge, 23-28. Akab er den verste av alle kongane som hev vore; han tek Jesabel, dotter åt Sidon-kongen, til kona og dyrkar Ba'al; i hans tid byggjer Hiel upp att Jeriko, 29-34.

1Då kom Herrens ord til Jehu Hananison um Baesa, og det lydde so:

2Eg lyfte deg upp or dusti og sette deg til fyrste yver Israel, folket mitt; men du hev halde fram i same leidi som Jeroboam og fenge Israel, folket mitt, til å synda, so dei vekkjer vreiden min med syndene sine.