Salmane 138 - Bibel 1938 - Bibelselskapet(Bibel1938)
David prisar Herren av di han hev gjeve han ein herleg lovnad og høyrt bønene hans, so hjarta hans no er fullt av mod og styrke, 1-3. Han varslar at ein gong skal alle kongar på jordi prisa Herren for di han hev umsut for dei ringe, 4-6. Til slutt segjer han seg viss på at Herren vil fria han ut or all trengsla og fullføra sitt verk, og bed han gjera det, 7.8. - Salmen peikar fram mot Messias og riket hans, som skal breida seg utyver heile jordi.
1Av David. / Eg vil prisa deg av alt mitt hjarta, for augo på gudane vil eg syngja deg lov. /
2Eg vil kasta meg ned framfor ditt heilage tempel, eg vil prisa ditt namn for di miskunn og din truskap skuld; for du hev gjort ditt ord herleg, meir enn alt ditt namn.
