Jesaja 61 - Bibel 1938 - Bibelselskapet(Bibel1938)

Messias vitnar um at han er salva med Guds Ande til å forkynna og gjeva alle botferdige frigjering frå syndi, rettferd, fred og gleda, 1-3. Då skal det som ligg i grus, byggjast upp att; heidningane skal tena lyden, som skal vera eit folk av prestar og verta rikt signa av Herren, som gjer ei æveleg pakt med dei, 4-9. Lyden takkar Herren med gleda for frelsa og rettferd frå han og for dei rike Andens gåvor han hev gjeve dei, 10.11.

1Herrens, Israels Guds Ande er yver meg; av di Herren hev salva meg til å bera fagnadbod til dei audmjuke, han hev sendt meg til å binda um dei hugbrotne, til å ropa ut fridom for fangar og utløysing for dei bundne,Luk 4,18-19; Jes 11,2; Matt 5,5; 11,5; Sal 34,19; 51,19; Jes 57,15; 66,2; 42,7

2til å ropa ut eit nåde-år frå Herren og ein hemnedag frå vår Gud, til å trøysta alle som syrgjer,Jes 63,4; Matt 5,4; 11,28; Luk 6,21

3til å gjeva dei syrgjande i Sion hovudprydnad i staden for oska, gledeolje i staden for sorg, lovsongs-klæde for vanmoda ånd, og dei skal heita rettferds terebintor, Herrens plantning til æra for han.Jes 51,3; Sal 45,8; Hebr 1,9; Sal 1,3; 92,13-16; Jer 17,8; Jes 60,21

4Dei skal byggja upp att eldgamle grushaugar, reisa upp att ruinar frå forfederne; dei skal nya upp att nedbrotne byar, det som hev lege i øyde frå ætt til ætt.Jes 58,12

5Framande skal standa og gjæta smalen dykkar, utlendingar dyrka åt dykk både åker og vingard.Jes 14,1-2

6Men de skal heita Herrens prestar, tenarar åt vår Gud skal dei kalla dykk; folke-eiga skal de njota, og deira herlegdom skal de få.Jes 66,21; 1 Pet 2,5; Rom 15,27; 1 Kor 9,11

7For dykkar skam fær de dobbelt att, og dei som leid skjemsla, skal prisa sin lut; difor fær dei dobbel lut i sitt land, æveleg gleda skal dei få;Jes 40,2; 35,10; 51,11; 66,14

8for eg, Herren, elskar rett og hatar urett ran, og trufast vil eg gjeva dei løni deira og gjera ei æveleg pakt med dei.Jes 65,23; 54,10; 55,3; Esek 37,26

9Namngjeten vert deira ætt millom folki, og avkjømet deira millom folkeslagi; alle som ser dei, skal sanna at dei er ei ætt som Herren hev signa.

10Eg vil gleda meg storleg i Herren, sjeli mi skal fegnast i min Gud; for han hev kledt meg i frelse-klæde, i rettferds-kåpa hev han sveipt meg, liksom brudgomen, som pryder seg med prestehuva, og liksom bruri som tek på seg sin prydnad.Hab 3,18; Luk 1,47; Sak 3,4-7; Op 3,5; 6,11

11For som jordi let sin grode renna, og hagen let sitt sæde veksa, so skal Herren, Israels Gud, lata rettferd og lovsong renna for alle folks åsyn.