Esekiel 39 - Bibel 1938 - Bibelselskapet(Bibel1938)

Esekiel held ved og forkynner at Gog og heren hans skal verta reint tynte i Israelslandet, 1-20, og varslar so um verknadane av denne domen; Israel skal læra av domen at Herren er og alltid vil vera deira Gud, og heidningane skal skyna at det var Israels synd og ikkje Herrens vanmakt som var årsaki til at det i farne dagar vart burtført, 21-24. Spådomen um Gog endar med den lovnaden at Herren vil miskunna Israel, føra det attende til heimlandet, gjeva det stendig fred og renna ut sin Ande yver det, 25-29.

1Og du menneskeson, spå mot Gog og seg: So segjer Herren, Israels Gud: Sjå, eg kjem yver deg, Gog, du fyrste yver Ros, Mesek og Tubal!

17Og du menneskeson! So segjer Herren, Israels Gud: Seg til allslags fuglar og til alle villdyri på marki: Samla dykk saman og kom, sanka dykk frå alle leider til slaktofferet som eg slaktar åt dykk, eit stort slaktoffer frå Israelsfjelli; de skal få eta kjøt og drikka blod.

27Når eg fører dei attende frå folkeslagi og sankar dei frå fiendelandi og syner min heilagdom på dei for augo på dei mange folki,

28då skal dei sanna at eg er Herren deira Gud; for um eg førde dei burt til folkeslagi, so hev eg samla dei att i deira eige land og let ikkje ein einaste av dei vera att der ute.

29So vil eg aldri meir løyna mi åsyn for dei, for eg vil renna ut min Ande yver Israels-lyden, segjer Herren, Israels Gud.