Hosea 5 - Bibel 1938 - Bibelselskapet(Bibel1938)

Prestane i Israel, kongehuset og folket skal få domen yver seg for si avgudsdyrking skuld, og like eins Juda. Fåfengt skal dei søkje Herren med offer; han vil leggja Efra'im i øyde og ausa ut vreiden sin yver Judahovdingane og, for di dei hev vore med på fråfallet. I den ulukka som Guds domar hev ført yver Efra'im, hev det søkt hjelp hjå assyrarkongen; men korkje han eller nokon annan skal kunna frelsa det. Herren ventar på at naudi deira skal driva dei til å ganga ved si synd og søkja han; det skal og verta so, 1-15.

1Høyr dette, de prestar, og gjev gaum, du Israels hus, og du, kongehus, legg øyra til! For dykk gjeld domen; for ei snara hev de vore på Mispa og eit utspena net på Tabor.

8Blås i lur i Gibea, i trompet i Rama! Blås alarm i Bet-Aven! Fienden er etter deg, Benjamin!

9Efra'im skal verta ei audn på refsingsdagen; millom Israels ætter hev eg kunngjort det som visseleg skal henda.

14For eg er som ei løva mot Efra'im og som ei ungløva mot Judas hus; sjølv riv eg sund og fer min veg; eg ber fengdi burt, og ingen kann berga.