Jeremia 46 - Bibel 1938 - Bibelselskapet(Bibel1938)

Jeremias spår mot Egyptarland at Nebukadnesar skal slå kong Neko ved Eufrat, 1-12; Egyptarland skal verta herteke og øydt, og folket der skal denne kongen drepa eller føra burt; men sidan skal det koma ei betre tid for Egyptarland att, 13-26. Israels-folket skal ikkje ottast, for Herren skal berga det; han tuktar det nok, men gjer ikkje ende på det, 27.28.

1Dette er Herrens ord som kom til profeten Jeremias um heidningefolki.

2Um Egyptarland. Um heren åt Farao Neko, egyptarkongen, som stod burtmed Eufratelvi, attmed Karkemis, og som Nebukadnesar, Babel-kongen, vann yver i det fjorde året av Jojakim Josiassons kongedøme i Juda.

16Han fær mange til å snåva, ja, den eine dett uppå hin, og dei segjer: Upp og lat oss fara heim att til vårt folk og fødeland, undan det herjande sverdet!

19Reid deg du til å fara i utlægd, du Egyptarlands dotter som bur i landet! For Memfis skal verta ei audn, verta øydd, so ingen kann bu der.

23Dei høgg ned hennar skog, segjer Herren; for han er ikkje til å finna seg fram igjenom; dei er fleire enn engsprettone, det er ikkje tal på dei.

24Egyptarlands dotter vert til skammar; ho vert gjevi i hendene på eit folk ifrå nord.