Jesaja 65 - Bibel 1938 - Bibelselskapet(Bibel1938)

På bøni frå folket (63,7-64,11) svarar Herren at han i sin miskunnsame kjærleik alltid hev vore viljug til å taka imot det, men at det hev trassa og stade hans kallande nåde imot og halde fram med den ufyselege avgudsdyrkingi si, og at han difor lyt og vil straffa det for misgjerningane, både dei det sjølv hev gjort, og federne sine, 1-7. Likevel vil han ikkje tyna heile folket; hans truande tenarar, som han hev valt ut, skal få eiga lovnadslandet med alle dei gode ting i det, men avgudsdyrkarane skal ganga til grunns, 8-16. Han vil skapa ein ny himmel og ei ny jord og eit nytt herleg Jerusalem, der dei truande skal leva i æveleg fred og gleda og verta rikt velsigna; der skal ikkje finnast noko vondt, 17-25.

1Eg baud meg fram for dei som ikkje spurde; eg var å finna for dei som ikkje søkte meg; eg sa til eit heidningfolk som ikkje bar mitt namn: Her er eg, her er eg!

12dykkar lagnad skal vera sverdet, de skal alle få bøygja dykk til slakting, for di de ikkje svara då eg ropa, og ikkje høyrde då eg tala, men gjorde det som eg mislika, og valde det eg ikkje tykte um.

16so den som velsignar seg på jordi, skal velsigna seg i den trufaste Gud, og den som sver på jordi, skal sverja ved den trufaste Gud. For dei fyrre trengslor er gløymde og løynde for augo mine.

21Dei husi dei byggjer, skal dei sjølve få bu i, og dei vinhagane dei plantar, skal dei sjølve eta frukti av;