Salmane 118 - Bibel 1938 - Bibelselskapet(Bibel1938)

Israel skal prisa Herren for di han hev frelst det i si miskunn, då det ropa til han um hjelp i si naud, 1-5. Folket vitnar um si faste tillit til han og si vissa um at det med hans hjelp skal vinna yver fiendefolki ikring det, 6-12. Dei hev vilja få folket til å falla; Herren hev fyrst tukta det, men so frelst det med si allmektige kraft, og dermed fyllt det med jubel og vissa det um at det aldri skal ganga til grunns, 13-18. Israel vil no prisa han i heilagdomen for frelsa; med den hev han gjeve det vissa um det nåde-underet at Israel, det folket som heidningane hev vanvyrdt so djupt, skal verta hyrnesteinen åt gudsriket, 19-24. Israel sluttar med bøn og ny lovprising, 25-29. - Spådomen som ligg i den vissa folket hev um at det skal verta hyrnesteinen åt gudsriket, hev fenge si uppfylling i Kristus (Matt 21,42. Apg 4,11. Efes 2,20.1 Pet 2,7).

1Prisa Herren, for han er god, hans miskunn varer æveleg!

14Herren er min styrke og lovsong, og han vart meg til frelsa.2 Mos 15,2; Jes 12,2

15Fagnadrop um frelsa er å høyra i tjeldi åt dei rettferdige; Herrens høgre hand gjer storverk.

16Herrens høgre hand upphøgjer, Herrens høgre hand gjer storverk.

17Eg skal ikkje døy, men leva og fortelja Herrens gjerningar.Sal 115,17-18; Hab 1,12; Matt 16,18

18Hardt tukta Herren meg, men til dauden gav han meg ikkje.

19Lat upp for meg rettferds portar! Eg vil ganga inn gjenom dei, eg vil prisa Herren.Jes 26,2

20Dette er Herrens port; dei rettferdige skal ganga inn gjenom den.

21Eg vil prisa deg for di du svara meg og vart meg til frelsa.

22Den steinen som byggjarane vanda, hev vorte hyrnestein.Matt 21,42; Apg 4,11; Ef 2,20; 1 Pet 2,7

23Det er Herren sjølv som hev gjort det so; for oss er det eit stort under.

24Dette er dagen som Herren hev gjort; lat oss fegnast og gleda oss no!Jes 49,8-13; Op 19,7

25Å Herre, frels då! Å Herre, lat det då lukkast!

26Velsigna vere han som kjem i Herrens namn! Me velsignar dykk frå Herrens hus.Matt 21,9; 23,39

27Herren er Gud, og han let det verta ljost for oss. Bitt høgtidsofferet med reip alt inn til horni på altaret!2 Mos 29,12; 3 Mos 4,18

28Du er min Gud, og eg vil prisa deg, min Gud, eg vil upphøgja deg.Sal 31,15

29Prisa Herren, for han er god, hans miskunn varer æveleg!