Høgsongen 8 - Bibel 1938 - Bibelselskapet(Bibel1938)

Bruri ynskjer ho hadde brudgomen hjå seg som ein kjærleg bror, 1.2. Ho bed på lag at ho ikkje må verta uroa, 3.4. Bruri kjem upp frå øydemarki, studd til venen sin, kjem til heimen hans, minner han um den kjærleiken han alltid hev synt henne, og ynskjer at kjærleiken hans aldri må trjota, 5-7. So talar ho um kva som er å gjera med ei yngre syster ho hev, og systeri lovar å visa henne truskap, 8-10. Bruri segjer at ho vil vakta vingarden vel som Salomo hev gjeve henne i varveitsla, og lata han få det han skal hava, 11.12. Han bed at han må få høyra målet hennar, og ho skilst frå han, 13.14.

1Å, gjev du var som ein bror for meg, hadde soge brjostet åt mor mi! Um eg då fann deg der ute, so kysste eg deg, og ingen vanvyrde meg for det.

2Eg leidde deg, førde deg til huset åt mor mi, og du skulde læra meg; eg skjenkte deg krydde-vinen, safti av granattreet mitt.