Salmane 94 - Bibel 1938 - Bibelselskapet(Bibel1938)

Songaren bed Herren straffa dei ovmodige fiendane, som trælkar folket hans, med di dei meiner at Herren ikkje ansar åtferdi deira, 1-7. Han refser dårskapen hjå dei israelitane som tenkjer like eins, 8-11, og prisar dei sæle som hev lært hjå Herren å setja all si lit til han; for i si tid skal han sjå til sitt folk, 12-15. Til slutt segjer han seg viss på at Herren vil hjelpa han i all naud og fåre, og at han vil tyna alle fiendane hans, 16-23.

1Herre, du hemns Gud, du hemns Gud, syn deg i herlegdom!5 Mos 32,35; Rom 12,19

2Statt upp, du domar yver jordi, lat dei ovmodige få lika for si gjerning!Sal 7,7.9; 28,4

3Kor lenge skal dei ugudlege, Herre, kor lenge skal dei ugudlege fegnast?

4Dei gøyser or seg og fører skamlaus tale; dei skrøyter, alle ugjerningsmenner.

5Ditt folk, Herre, krasar dei, og din arv plagar dei.

6Enkja og den framande slær dei i hel, og farlause myrder dei.

7Og dei segjer: Herren ser ikkje, og Jakobs Gud gaumar ikkje etter.Sal 10,11.13

8Gjev då gaum, de uvituge i folket! Og de dårar, når vil de taka til vitet?

9Han som hev sett inn øyra, skulde han ikkje høyra? Han som hev laga til auga, skulde han ikkje sjå?Ordt 20,12

10Han som tuktar heidningane, skulde han ikkje refsa, han som gjev menneski vit?

11Herren kjenner mannsens tankar, han veit at dei er fåfengd.Sal 39,12; 62,10; 1 Kor 3,20

12Sæl er den mann som du, Herre, tuktar og gjev lærdom or di lov,

13so han skal få ro for vonde dagar, til dess det vert grave ei grav for den ugudlege.Sal 112,8

14For ikkje støyter Herren burt sitt folk, og arven sin forlet han ikkje;5 Mos 31,6; Hebr 13,5-6

15for domen skal venda um att til rettferd, og alle som er ærlege i hjarta, skal halda med han.

16Kven stend upp for meg imot dei vonde? Kven stig fram for meg mot dei som gjer urett?

17Dersom ikkje Herren var mi hjelp, so vilde sjeli mi snart bu i den stille helheimen.Sal 124,1-5

18Når eg segjer: Foten min er ustød, då held di miskunn meg uppe, Herre!

19Når hjarta vert fullt av urolege tankar, då huggar di trøyst mi sjel.

20Er vel tynings-domstolen i samlag med deg, der dei lagar urett i hop so det ser ut som rett?

21Dei flokkar seg i hop mot sjeli åt den rettferdige, og skuldlaust blod fordømer dei.

22Då vert Herren ei borg for meg, og min Gud vert eit berg som eg flyr til.Sal 18,3

23Og han let deira urett koma attende yver dei, og for deira vondskap skal han gjera ende på dei; ja, Herren vår Gud, skal gjera ende på dei.