Jeremia 41 - Bibel 1938 - Bibelselskapet(Bibel1938)

Ismael, ein mann av jødisk kongeætt, drep Gedalja og mennene hans, like eins nokre menner som hev kome frå ymse stader i Israelslandet, so nær som ti som han let leva, av di dei segjer at dei hev forråd gøymde ute på marki, 1-9. Då Ismael vil føra burt resten av folket i Mispa til Ammonitarlandet, tek Johanan på han ved Gibeon. Dei som Ismael hev ført burt, slær seg i lag med han; Ismael sjølv kjem seg undan, 10-15. Av otte for den hemnen som Nebukadnesar vil taka for mordet på Gedalja, vil Johanan og alle jødane som er att i landet, fara til Egyptarlandet, 16-18.

1Men i den sjuande månaden kom Ismael son åt Netanja Elisamason, ein mann av kongsætti, ein av stormennene åt kongen, og ti menner med han til Gedalja Akikamsson i Mispa, og dei fekk seg mat saman der i Mispa.

6Og Ismael Netanjason gjekk ut imot dei frå Mispa, og han gjekk og gret. Då han møtte dei, sa han til dei: Kom med til Gedalja Akikamsson!

7Men då dei var komne inn i byen, tok Ismael Netanjason og dei mennene som var med han, og drap dei og kasta dei i brunnen.

8Men millom dei var det ti menner som sa til Ismael: Drep oss ikkje! For me hev forråd gøymde ute på marki: kveite og bygg og olje og honning. Då let han dei vera og drap dei ikkje saman med brørne deira.

9Brunnen som Ismael kasta liki i av alle dei menner som han hadde drepe umfram Gedalja, var den same som kong Asa hadde laga då han hadde ufred med Baesa, Israels-kongen; den fyllte Ismael Netanjason med drepne menner.

13Då alt folket som var med Ismael, såg Johanan Kareahsson og alle herhovdingane som var med han, vart dei glade;

14og alt folket som Ismael hadde ført fangar frå Mispa, snudde og gjekk attende til Johanan Kareahsson.

15Men Ismael Netanjason slapp undan frå Johanan med åtte mann og for til Ammons-borni.

16Johanan Kareahsson og alle herhovdingane som var med han, tok då med seg alle som var att av folket, dei frå Mispa som han hadde vunne att frå Ismael Netanjason, etter Ismael hadde drepe Gedalja Akikamsson, både stridsmenner og kvinnor og born og hirdmenner, som han hadde ført attende frå Gibeon.

17Dei drog av stad, men stana i Kimham-herbyrget attmed Betlehem og vilde sidan halda fram med ferdi til Egyptarland2 Sam 19,38; 2 Kong 25,26

18- for kaldearane skuld; for dei var redde dei, av di Ismael Netanjason hadde drepe Gedalja Akikamsson som Babel-kongen hadde sett til å styra i landet.