Salmane 75 - Bibel 1938 - Bibelselskapet(Bibel1938)

Israel prisar Gud for di han hev lova at han i si tid vil halda rettvis dom yver det storriket som no skjeplar hans skipnad på jordi, 2-4. Songaren åtvarar dette storriket mot å ovmoda seg og spotta for di Israel ser ut til å vera hjelpelaust; hjelpi kjem frå Gud, han som dømer verdi, 5-8. Han skal gjera alle ugudlege på jordi til inkjes og lyfta folket sitt upp; so skal det prisa han i all æva, 9-11.

1Til songmeisteren; «Tyn ikkje»

2Me prisar deg, Gud, me prisar, og nær er ditt namn; dei fortel um dine under.

3For: Eg vil gripa den fastsette tid, eg, eg vil døma med rettferd.

8nei, Gud er den som dømer; den eine nedrar han, hin upphøgjer han.1 Sam 2,7-8

9For eit staup er i Herrens hand med skumande vin; det er fullt av kryddevin, og han skjenkjer av det; ja bermen skal dei suga til seg og drikka, alle dei ugudlege på jordi.Sal 60,5; Jes 51,17; Jer 25,15

10Men eg vil forkynna det æveleg, eg vil lovsyngja Jakobs Gud.

11Og alle horni på dei ugudlege vil eg hogga av; horni på den rettferdige skal reisa seg høgt.