Domarane 8 - Bibel 1938 - Bibelselskapet(Bibel1938)

Efra'imitane mukkar mot Gideon, men han talar dei til rettes, 1-3. Folket i Sukkot og Pnuel vil ikkje gjeva mennene åt Gideon mat, 4-9. Han fangar tvo midianitarkongar og vinn yver heren deira, 10-12, straffar folket i Sukkot og Pnuel, 13-17, drep dei tvo midianiterkongane, 18-21, vil ikkje vera konge yver Israel, men bed dei um ei gåva og fær laga ein messehakel, som han set upp i Ofra, og som Israel dyrkar som ein avgud, 22-29. Borni åt Gideon og avferdi hans; Israel syndar mot Herren og vantakkar Gideons-ætti, 30-35.

1Efra'ims-mennene sa til Gideon: Korleis er det du hev fare åt imot oss? Kvifor sende du ikkje bod etter oss då du tok ut i striden mot midianitane? Og dei tok kvast på han.

28Soleis laut midianitane bøygja seg under Israels-borni og vann ikkje reisa hovudet meir, og sidan hadde landet ro i fyrti år, so lenge som Gideon levde.

29So for Jerubba'al Joasson heim att til garden sin og vart buande der.

30Gideon hadde sytti søner som var hans eigne born; for han hadde mange konor.

31Med fylgjekona si i Sikem fekk han og ein son og kalla han Abimelek.

32Gideon Joasson døydde i høg alder og vart nedsett i gravstaden åt Joas, far sin, i Ofra, bygdi åt Abieser-ætti.

33Då Gideon var burte, tok Israels-borni atter til å halda seg med Ba'alane og gjorde Ba'al-Berit til guden sin.