Salmane 41 - Bibel 1938 - Bibelselskapet(Bibel1938)

David prisar den sæl som hjelper armingen; når ein slik kjem i naud sjølv, kann han vera viss på at Gud vil hjelpa han, 2-4. Dei illtenkte fiendane hans - og millom dei finst det jamvel ein ven som hev svike han - syner ingen samhug med han i naudi, men ynskjer han vondt og freistar å føra han til undergang med meinrådene sine, 5-10. Han bed Gud um hjelp og er viss på at han skal verta bønhøyrd, 11-13. / Liksom i salme 31 og 38 ligg det i denne salmen og ein spådom um dei lidingane som skal råma Messias ved dei ugudlege fiendane hans, serleg Judas, svikaren (Joh 13,18).

1Til songmeisteren; ein salme av David.

2Sæl er den som ser til vesalmannen; på den vonde dag skal Herren frelsa han.Ordt 14,21; 19,17

3Herren skal verja han og halda han i live; han skal verta lukkeleg i landet, og du skal visst ikkje yvergjeva han til hans mordgjeruge fiendar.

4Herren skal stydja han på sottesengi; all hans lega lagar du um i hans sjukdom.2 Kong 20,7

5Eg segjer: Herre, ver meg nådig, læk mi sjel! for eg hev synda mot deg.Sal 6,3; 103,3

6Mine fiendar talar vondt um meg: Når skal han døy, og hans namn forgangast?

7Og um ein kjem og vil sjå til meg, so talar han falske ord; hans hjarta sankar seg vondskap saman, og so gjeng han ut og talar um det.

8Alle som hatar meg, kviskrar saman imot meg; dei tenkjer upp imot meg slikt som er meg til skade:Matt 22,15; Luk 11,54

9Ei illgjerning heng ved han, og han som ligg der, skal ikkje meir standa upp.

10Ja, endå den som eg levde i fred med, som eg sette lit til, som åt mitt brød, hev lyft sin hæl imot meg.Sal 55,14-15; Joh 13,18; Apg 1,16-17

11Men du, Herre, ver meg nådig og hjelp meg upp! So vil eg gjeva dei lika for det.

12På dette kjenner eg at du hev hugnad i meg, at min fiende ikkje fær setja i glederop yver meg.

13Og meg held du uppe i mi uskyld og set meg for di åsyn til æveleg tid.1 Krøn 17,27; Sal 63,9; 18,21

14Lova vere Herren, Israels Gud, frå æva til æva! Amen, amen.