1. Kongebok 15 - Bibel 1938 - Bibelselskapet(Bibel1938)

Abiam gjeng ikkje på Davids veg; men for Davids skuld let Gud ætti hans hava kongedømet i Jerusalem framleides, Abiam døyr, og Asa, son hans, vert konge, 1-8. Han hev burt avgudsdyrkingi i landet; han gjer samband med Benhadad, syrarkongen, so han skal hjelpa han mot Baesa, kongen i Israel, Asa døyr, og Josafat, son hans, vert konge, 9-24. Nadab, kongen i Israel, er gudlaus; Baesa drep han og ryd ut både han og heile Jeroboams hus; Baesa er likso gudlaus som kongane fyre han hev vore, 25-34.

1I det attande styringsåret åt Jeroboam Nebatsson vart Abia konge yver Judariket.

11Asa gjorde det som rett var i Herrens augo, liksom David, far hans, hadde gjort.1 Kong 15,3; 2 Krøn 14,2-8

12Han dreiv skjøkjesveinane ut or landet og fekk burt alle dei ufyselege avgudane som federne hans hadde laga.1 Kong 14,24; 22,47

13Han tok jamvel dronningrangen frå Ma'aka, mor si, for di ho hadde gjort eit grysjeleg avgudsbilete for Astarte. Dette grysjelege biletet hennar hogg han ned og brende det upp i Kidronsdalen.2 Krøn 15,16-19

14Men offerhaugane vart ikkje nedlagde; like vel var hjarta åt Asa heilt med Herren so lenge han levde.1 Kong 22,44; 2 Kong 12,3

15Dei gåvone som far hans hadde helga Herren, og dei han sjølv hadde helga, flutte han inn i Herrens hus, både sylv og gull og andre ting.

16Millom Asa og Basea, kongen i Israelsriket, var det ufred so lenge dei levde.

17Basea, Israels-kongen, gjorde ei herferd mot Juda og bygde festningsverk i Rama, so ingen skulde fara frå eller til Asa, Juda-kongen.2 Krøn 16,1-6

18Då tok Asa fram alt sylv og gull som var att i skattkammeri i Herrens hus, og like eins skattane i kongsgarden; han gav dei i hendene på mennene sine og sende dei til Benhadad, kongen i Syria, som budde i Damaskus og var son åt Tabrimmon og soneson åt Hesjon; bodet dei skulde bera fram, var so:2 Kong 12,18; 16,8; 18,15

19Du veit det er eit samband millom meg og deg, som det var millom far min og far din. Her sender eg deg noko sylv og gull i gåva. Brjot no sambandet ditt Basea, Israels-kongen, so han lyt hava seg burt ifrå meg.

20Benhadad gjorde som Asa bad han; han sende herhovdingane sine mot Israelsbyane og hertok Ijon og Dan og Abel-Bet-Ma'aka og heile Kinneret, attåt alt Naftalilandet.2 Kong 15,29

21Då Basea fekk bod um det, heldt han upp med å byggja festningsverk i Rama og gav seg til i Tirsa.

22Men kong Asa baud ut heile Juda-lyden - ingen vart friteken - og dei førde burt steinane og timberet som Basea hadde nytta til festningsarbeidet i Rama; med det bygde so Asa festningsverk i Geba i Benjaminsfylket og i Mispa.

23Det som meir er å segja um Asa, um alle storverki hans og alt det han elles gjorde, og um byane han bygde, det stend skrive i krønikeboki åt Juda-kongane. Men på sine gamle dagar fekk han ein sjukdom i føtene.2 Krøn 16,12-14

24So for Asa til federne sine og vart gravlagd hjå federne sine i byen åt David, far sin, og Josafat, son hans, vart konge etter han.2 Krøn 17,1

25I andre året av Asas kongedømme i Judariket vart Nadab, son åt Jeroboam, konge i Israel, og han rådde for Israelsriket i tvo år.

26Han gjorde det som Herren mislika; og fylgde vegen åt far sin og heldt fram med same syndi som far hans hadde gjort og fenge Israel til å gjera.1 Kong 14,16

27Men Basea Akiason av Issakars-ætti, fekk til ei samansverjing imot han og slo han i hel burtmed Gibbeton, ein by som høyrde filistarane til - Nadab og heile Israels-heren låg då der burte og hadde kringsett byen.

28Det var i tridje året av Asas kongedøme i Judariket at Basea drap Nadab og so vart konge i staden hans.

29Då han var vorte konge, slo han i hel heile Jeroboams hus; han sparte ikkje eit einaste liv i kongsætti, men rudde dei heiltupp ut. Då vart det sanna det ordet som Herren hadde havt Akia frå Silo, tenaren sin, til å tala.1 Kong 14,10-20

30Dette hende for dei syndene skuld som Jeroboam hadde gjort og fenge Israel til å gjera, og for di han hadde harma Herren, Israels Gud.

31Det som meir er å segja um Nadab og alt det han gjorde, det stend skrive i krønikeboki åt Israels-kongane.

32Millom Asa og Basea, kongen i Israel, var det ufred so lenge dei levde.

33I det tridje året av Asas kongedøme i Judariket, vart Basea, son åt Akia, konge yver heile Israel i Tirsa og det var han fire og i tjuge år.

34Han gjorde det som Herren mislika, og heldt fram i same leidi som Jeroboam og med same syndi som han hadde gjort og fenge Israel.